FAʼAHI 3
Te ʼu Lekula ʼo Te Puleʼaga—Kotou Kumi Te Faitotonu ʼa Te ʼAtua
ʼE KE lolotoga haʼele pea ʼe ke hiki nima ki tou vahaʼa fale. ʼI muʼa atu, neʼe ke tokagaʼi tana sioʼi koe pea mo tou kiʼi famili. ʼE hiki nima atu pea mo fakaovi atu. ʼE ina ui atu fenei: “ ʼE ʼi ai pe te kiʼi faʼahi ʼe au fia fakalavelave atu. He ko ʼe ʼe mole kotou hage ko te hahaʼi fuli? ʼE au iloʼi ko koutou ko he ʼu Fakamoʼoni ʼa Sehova. ʼE kotou kehe ʼosi koutou mo te tahi ʼu lotu, koteʼuhi ʼe mole kotou fai te ʼu ʼaho lalahi, ʼe mole kotou faipolitike pea mo kau ki te ʼu tau. Pea ʼe mole kotou suluka. Kaʼe au sio ʼe maʼu e tou kiʼi famili ia te aga fakaʼapaʼapa. Kotea la tona tupuʼaga?”
ʼE ke iloʼi lelei tona tali: Koteʼuhi ʼe tou fakalogo ki te Puleʼaga ʼo te ʼAtua. Ko Sesu, ʼae ko tona Hau, ʼe ina fakamaʼa tatou. ʼE tokoni mai ke tou mulimuli ki tana faʼifaʼitaki, ke mole tou hage ai ko te hahaʼi ʼo te malama agakovi ʼaeni. Koia, ʼi te faʼahi 3 ʼaeni, ʼe tou vakaʼi anai te haga ʼae ʼo te Puleʼaga Fakamesia ʼo fakamaʼa ia te hahaʼi ʼa te ʼAtua ʼi te faʼahi fakalaumalie, mo te aga pea mo fetogi te faʼahiga fakatuʼutuʼu ʼo te kautahi. ʼE fai ia te ʼu meʼa fuli ʼaia ki te kololia ʼo Sehova.
IN THIS SECTION
KAPITE 11
ʼE Ha Te Maʼoniʼoni ʼo Te ʼAtua ʼi Te ʼu Fetogi ʼo ʼUhiga Mo Te Aga
Ko te ʼu koga fale leʼo pea mo te ʼu matapa ʼi te fale lotu ʼae neʼe sio ki ai ia Esekiele ʼe ʼi ai tona fakaʼuhiga makehe ʼi te hahaʼi ʼa te ʼAtua talu mai te taʼu 1914.
KAPITE 12
ʼE Fakatuʼutuʼu Ia Te Tauhi Ki “Te Atua o Te Tokalelei”
ʼE mole fakaʼalutahi ʼi te Tohi-Tapu ia te ʼu kupu maveuveu mo fakatuʼutuʼu lelei, kaʼe ko te ʼu kupu maveuveu mo tokalelei. Kotea tona tupuʼaga? Kotea ʼae ʼe fai e te kau Kilisitiano ia ʼaho nei ʼi tanatou mahino ki te faʼahi ʼaia?