你经过隔篱屋，同邻居挥手打招呼。最近，你发觉呢个邻居一直喺度留意你哋一家人。今次佢向你招手，叫你过去，然后同你讲：“我可唔可以问你一个问题呀？点解你哋同其他人唔一样嘅？”你答佢：“你嘅意思系……”佢就话：“你哋系耶和华见证人，系咪呢！你哋同其他人好唔同，同其他宗教团体都唔一样。你哋唔庆祝节日，唔参政，唔当兵，又唔食烟。睇嚟，你同屋企人都有高尚嘅道德标准。耶和华见证人同其他人咁唔一样，点解嘅？”

答案好简单：我哋都接受上帝王国嘅统治，君王耶稣不断熬炼我哋，帮助我哋跟住佢嘅脚步行，使我哋同目前嘅邪恶世界分别开嚟。呢一篇我哋会睇吓，君王点样通过弥赛亚王国，喺属灵、道德同组织方面熬炼上帝嘅子民，为耶和华增光。