NDAA 3
Ca norma stiʼ Reinu: Runi ca xpinni Dios ni jneza
ZÁNDACA maʼ bidiiluʼ cuenta nabé ruuyadxí vecinu stitu laatu ne ruuyabe xi guiráʼ rúnitu. Ne cásica ruʼnuʼ guiráʼ dxi, yannadxí laaca bigapadiúxiluʼ laabe. Peru, ora bicábibe lii la? bíʼnibe ti seña luluʼ para cheuʼ ra nuube. De raqué guniʼbe: «Rapaʼ gana guinabadiidxaʼ lii xiixa. Xiñee maʼ gadxé laatu pue». Óraque guʼdxuʼ laabe: «Maʼ gadxé laadu nouʼ la?». Laabe bicábibe lii: «Biaa, nannaʼ testigu stiʼ Jiobá laatu. Ne laaca ruuyaʼ maʼ gadxé laatu que xcaadxi binni. Laatu qué rúnitu saa, qué riuutu lu política ne qué rietu lu guerra, casi ruuyaʼ runi stale binni ni napa gadxé religión. Nin tobi de laatu qué riguʼbaʼ gueza. Para naa la? ruluíʼ jma risaca ca norma moral zinanda familia stiuʼ. Xiñee gadxé modo rúnitu stale cosa pue».
Cadi lica nagana ni canabadiidxaʼ vecinu riʼ: laanu rúninu ni na ca norma napa Reinu stiʼ Dios. Jesús, Rey stinu, gatigá runi refinar ne runi purificar modo nabáninu. Ne laaca racanebe laanu sanu modo guzabe. Cumu rúninu guiráʼ ni rusiidibe laanu la? rucaani binni gudii cuenta gadxé modo nabáninu ndaaniʼ guidxilayú malu riʼ. Lu ndaa riʼ zadúʼyanu chonna modo cayuni refinar Rey Mesiánicu xquidxi Dios: 1) en sentidu espiritual, 2) en sentidu moral ne 3) modo nuucabe organizadu, ne cayaca ni para gusisácacabe Jiobá.
LU NDAA RIʼ
CAPÍTULO 10
Rusiá Rey xquidxi Dios en sentidu espiritual
Xiñee cadi jneza gúninu Navidad ne iquiiñenu ti cruz.
CAPÍTULO 11
Raca purificar xquidxi Dios en sentidu moral: Rusihuínnicabe santidad stiʼ Dios
Ca cámara ra nuu ti binni ni cayapa ne ca entrada stiʼ templu biʼyaʼ Ezequiel lu visión que nabé risaca cani para xquidxi Dios dede 1914.
CAPÍTULO 12
Guca organizárcabe para gúnicabe ni na Dios ni riguixhedxí ladxidoʼno
Cadi caníʼ diʼ textu riʼ ximodo nuu ca cosa ni nexheʼ chaahuiʼ ne cani cadi nexheʼ chaahuiʼ, sínuque caniʼni gadxé nga ora nexheʼ chaahuiʼ ti cosa ne gadxé nga ora nuu guendariuudxi. Xiñee yaʼ. Ne xi runi ca cristianu ora guicábicaʼ ni gunabadiidxanu.