MO FU sene fu gamo murakporo wa mo asusa. Agu aˈuru du were, mo bi gupai nga ni nawisigo ro dedede na gamo aborokporo. Wa fu mo sene funi, ni fu sene foro a na ki baya ro nga mo ye. Ni sanaro nga: “Ya mo ka mi sana ro? Ginihe nasa roni oni du kia?” Mo karagaha funi nga, “Mo naida ka ya wai?” Ni ki ya, “Sidu, oni nga aDezire Yekova, nga wo te? Oni wa gu kura aboro te. Oni wa gu kura apambori te—oni airisongo aˈuru ongoda te, na oni arimisongo tironi ku rogo poritiki gbiati avura te. Boro ho dagbaroni navu gundö a te. Na si nawira wa gaoni aborokporo naraka kuti agu arugute niima du kuari gbe. Ginihe du nasa roni aboro oni du kia rogo dungu agene yo?”

Mo ima inoho nga karagapai gbua taata nga: Ani naraka tii gu zogarago nga ga ga Mbori Kindo. Nidu Yesu ni Bakindo, ko nakpuruwa rani ti aregbo dunduko. Ko naundo rani ani wiriki gako mangapai tipa kadu kia rogo gi gbegberẽ zegino re. Rogo gi paparaha re, ani nika bi wai ga Masiya Kindo nakpuruwa ga Mbori aboro rogo toro yo, mangaapai, gbiati riigbu—si dunduko nafu taarimo fu Yekova.