IV BÖLMƏ
Padşahlığın zəfəri. Müjdənin qanuni tanınması
EV-EV təbliğ edərkən polis maşının yaxınlaşdığını görürsünüz. Polis əməkdaşı maşından düşüb sizə yaxınlaşır və soruşur: «Qapı-qapı düşüb Müqəddəs Kitab haqda danışan sizsiniz? Sizdən şikayət var». Siz nəzakətlə cavab verir və Yehovanın Şahidi olduğunuzu deyirsiniz. Bəs sonra nə baş verəcək?
Bu, daha çox yaşadığınız ölkənin tarixindən asılıdır. Yaşadığınız ölkədə əvvəllər dövlətin Yehovanın Şahidlərinə münasibəti necə olub? Hal-hazırda ölkədə müəyyən qədər din azadlığı varmı? Əgər varsa, deməli, bu, sizin ruhani bacı-qardaşlarınızın onilliklər ərzində «müjdənin müdafiəsində və qanuni tanınmasında» səylə əllərindən gələni etmələri sayəsindədir (Filip. 1:7). Harada yaşamağınızdan asılı olmayaraq, Yehovanın Şahidlərinin qazandıqları hüquqi qələbələr barədə bilmək imanınızı möhkəmləndirə bilər. Bu bölmədə biz həmin möhtəşəm qələbələrdən bəzilərini nəzərdən keçirəcəyik. Qazandığımız qələbələr Padşahlığın real olduğuna güclü sübutdur, çünki bizim bu qələbələri öz gücümüzə qazanmağımız qeyri-mümkündür!
BU BÖLMƏDƏ
FƏSİL 13
Padşahlığın müjdəçiləri hakimlər qarşısında
Müasir dövrdəki ali məhkəmələrdəki bəzi hakimlər keçmiş Qanun müəllimi Qəmlail kimi düşünürlər.
FƏSİL 14
Yalnız və yalnız Allahın hakimiyyətini sədaqətlə dəstəkləyənlər
Bitərəf mövqelərinə görə Yehovanın Şahidlərinə təsir edən təqiblər «seli» gözlənilməz mənbə tərəfindən aradan qaldırılır.
FƏSİL 15
Azad ibadət uğrunda mübarizə
Allahın xalqı Allahın Padşahlığının qanununa tabe olmaq üçün mübarizə aparırlar.