ЕВ-ЕВ тәблиғ едәркән полис машынын јахынлашдығыны ҝөрүрсүнүз. Полис әмәкдашы машындан дүшүб сизә јахынлашыр вә сорушур: «Гапы-гапы дүшүб Мүгәддәс Китаб һагда данышан сизсиниз? Сиздән шикајәт вар». Сиз нәзакәтлә ҹаваб верир вә Јеһованын Шаһиди олдуғунузу дејирсиниз. Бәс сонра нә баш верәҹәк?

Бу, даһа чох јашадығыныз өлкәнин тарихиндән асылыдыр. Јашадығыныз өлкәдә әввәлләр дөвләтин Јеһованын Шаһидләринә мүнасибәти неҹә олуб? Һал-һазырда өлкәдә мүәјјән гәдәр дин азадлығы вармы? Әҝәр варса, демәли, бу, сизин руһани баҹы-гардашларынызын онилликләр әрзиндә «мүждәнин мүдафиәсиндә вә гануни танынмасында» сәјлә әлләриндән ҝәләни етмәләри сајәсиндәдир (Филип. 1:7). Һарада јашамағыныздан асылы олмајараг, Јеһованын Шаһидләринин газандыглары һүгуги гәләбәләр барәдә билмәк иманынызы мөһкәмләндирә биләр. Бу бөлмәдә биз һәмин мөһтәшәм гәләбәләрдән бәзиләрини нәзәрдән кечирәҹәјик. Газандығымыз гәләбәләр Падшаһлығын реал олдуғуна ҝүҹлү сүбутдур, чүнки бизим бу гәләбәләри өз ҝүҹүмүзә газанмағымыз гејри-мүмкүндүр!