BAGIN 4
Kemenangen Kinirajan—Mpeteguhi Berita si Meriah Secara Hukum
PAKSA kam erberita rumah ku rumah, ibegindu sora sirene. Reh dekahna reh gangna sorana. Asum imulaindu ngerana, idah temanndu erberita motor polisi si nandangi ngadi. Ndarat sekalak petugas ndeheri kam, nina, ”Kena nge si ncakapken Pustaka si Badia rumah ku rumah? Lit dat kami laporen!” Ijabapndu alu mehamat janah petandakenndu dirindu selaku Saksi-Saksi Jahwe. Kai si terjadi kenca e?
Sejarah me si nentukenca. Uga biasana Saksi-Saksi Jahwe iperlakoken pemerentah i negerindu? Ibatasina nge kebebasen eragama i je? Si enda lit hubungenna ras usaha turang seninanta si nggo puluhen tahun ”mbela janah mpeteguhi berita si meriah secara hukum”. (Pil. 1:7, Terjemahan Dunia Baru [NW]) Ijapa pe kam tading pasti ipegegehi kinitekenndu adi iselidikindu sejarah kemenangen hukum Saksi-Saksi Jahwe. I bas bagin enda kari, sipereksa sejarah hukum si luar biasa. Kemenangen-kemenangen si nggo sidat mereken bukti si luar biasa maka Kinirajan e tuhu-tuhu lit, erkiteken la banci sidat e alu gegehta!
BAS BAGIN ENDA
PASAL 13
Perberita Kinirajan Maba Perkarana ku Pengadilen
Piga-piga hakim pengadilen tinggi bas jaman modern ngikuti pendapat guru Hukum si mbarenda eme Gamaliel.
PASAL 14
Setia Ndukung Pemerentahen Dibata Labo si Deban
”Lau mbelin” penindasen nandangi Saksi-Saksi Jahwe erkiteken kenetralenna secara politik nggo itelen alu cara si la isangka-sangka.
PASAL 15
Erjuang guna Ndatken Kebebasen Eribadat
Umat Dibata nggo erjuang i bas ndatken hak guna patuh man hukum, eme hukum Kinirajan Dibata.
