წარმოიდგინე, რომ კარდაკარ ქადაგებ. უეცრად შორიდან სირენის ხმა გესმის, რომელიც თანდათან ძლიერდება. მომდევნო მობინადრესთან საუბრის დროს შენი პარტნიორის ყურადღებას იპყრობს პოლიციის მანქანა, რომელიც თქვენთან ახლოს ჩერდება. მანქანიდან გადმოდის პოლიციელი და გეკითხებათ: „ეს თქვენ დადიხართ კარდაკარ და ხალხს ბიბლიაზე ესაუბრებით? თქვენზე ბევრი საჩივარი შემოვიდა!“. თქვენ პატივისცემით მიმართავთ და ეუბნებით, რომ იეჰოვას მოწმეები ხართ. როგორ ვითარდება შემდეგ მოვლენები?

ეს მნიშვნელოვანწილად დამოკიდებულია იმაზე, თუ როგორ ეპყრობოდა თქვენი ქვეყნის მთავრობა წარსულში იეჰოვას მოწმეებს. დაცულია ამჟამად თქვენს ქვეყანაში რელიგიის თავისუფლება? თუ თავისუფლებით სარგებლობთ, ეს შესაძლოა იმ სულიერი და-ძმების დაუღალავი შრომის შედეგია, რომლებმაც ათწლეულების მანძილზე დიდი წვლილი შეიტანეს „სასიხარულო ცნობის დაცვასა და კანონით განმტკიცებაში“ (ფილ. 1:7). რომელ ქვეყანაშიც არ უნდა ვცხოვრობდეთ, იეჰოვას მოწმეთა იურიდიულ გამარჯვებებზე ფიქრი რწმენას გვიმტკიცებს. ამ ნაწილში განვიხილავთ ზოგიერთ მათგანს. ეს ბრწყინვალე გამარჯვებები მოწმობს, რომ სამეფო რეალურია, რადგან ამას ჩვენი ძალებით ვერასდროს შევძლებდით!