SEKSON 4
Olketa Kot Case wea Iumi Winim—Defendim Raet for Preachim Gud Nius
TINGIM, wanday iu preach from haos tu haos, then iu herem siren blo police trak hem krae and kakam klosap. Taem iu story lo next haosholder, wanfala police trak kam stop and pablisa wea iu partner witim lukluk strong lo hem. Wanfala policeman kamaot and sei: “Waswe, iutufala nao gogo raon for storyim Bible lo pipol? Staka komplenim iufala!” Iu story kaen lo hem and sei, iutufala Olketa Jehovah’s Witness. Wanem nao bae happen bihaen?
Bae iumi lukim samting wea happen lo history. Lo olketa year wea go pas, hao nao gavman lo kantri wea iu stap treatim Olketa Jehovah’s Witness? Waswe, pipol garem freedom for worship? Sapos olsem, diswan hem bikos olketa brata and sista blo iu waka hard lo staka year wea go pas for “iusim law for defendim datfala gud nius and for kasem raet for preachim datwan.” (Phil. 1:7) Nomata wea iu stap, wei for ting raonem olketa kot case wea Olketa Jehovah’s Witness winim, savve barava strongim faith blo iu. Lo disfala sekson, iumi bae storyim samfala lo olketa kot case hia. Olketa kot case hia wea iumi winim barava pruvim Kingdom hem real bikos iumi no savve duim diswan witim strong blo iumiseleva!
LO DISFALA SEKSON
CHAPTER 13
Olketa wea Preach Abaotem Kingdom Tekem Case blo Olketa lo Kot
Samfala Judge lo olketa hae kot distaem olsem Gamaliel wea teachim law bifor.
CHAPTER 14
Faithful for Sapotim Gavman blo God Nomoa
Pipol wea iumi no expectim helpem pipol blo Jehovah from olketa enemy wea persecutim olketa bikos olketa Witness no teksaed lo politik.
CHAPTER 15
Duim Samting for Garem Raet for Worship
Pipol blo God duim samting for garem raet for obeyim law blo Kingdom blo God.