4 KAQ PARTE
Juiciokunapi gananankupaqmi juezkuna leykunata valechirqaku Diosmanta willakunapaq
KAYPI piensarisun: Diosmanta wasin-wasin willakuchkaspayki uyariruwaq guardiapa carron qaparistin qampa kasqayki lawman astawan hichpamusqanta. Wasiyuqwan rimachkaptikiñataq compañasuqniki iñiqmasinchik rikurunman qamkunapa kasqaykichikpiña guardiapa carron kasqanta. Chaymantañataq carromanta huk guardia lluqsiykamuspa nisunkichikman: “¿Qamkunachu Diosmanta wasin-wasin willakuchkankichik? Vecinokunam contraykichikpi rimachkanku”, nispa. Qamkunañataq respetowan niwaqchik Jehova Diospa testigon kasqaykichikmanta. ¿Yaqachu yachawaqchik ima pasasunaykichikta? Chayqa kanqa may law nacionpi tarikusqaykichikman hinam.
Pasaq watakunapiqa, ¿imaynatam wakin nacionkunapi Jehova Diospa testigonkunata autoridadkuna ñakarichirqaku? ¿Hinallachu chayna sasachakuypi tarikunku? Diosmanta allin noticiata willakunankupaq iñiqmasinchikkuna juiciokunapi gananankupaq anchata kallpanchakusqankuraykum libreña tarikunku (Filip. 1:7). May law nacionpiña kaptinchikpas, Diosmanta allin noticiata willakunankupaq iñiqmasinchikkuna juiciokunapi imayna ganasqankumanta yachasqanchikqa iñiyninchikpim kallpanchawasun. Chaymantam qatiqnin kimsa yachachikuykunapi astawan yachasunchik. Juiciokunapi ganasqanchikmi sutillata qawachin Jesucristoqa kamachimusqantaña, pay mana yanapawaptinchikqa manachá ganayta atichwanchu karqa.
KAYPI
13 KAQ YACHACHIKUY
Diosmanta willakuqkunam juezkunata valekurqaku
Wakin cortekunapi juezkunaqa Diospa leyninmanta yachachiq Gamaliel hinam iñiqmasinchikkunata yanaparqaku.
14 KAQ YACHACHIKUY
Kamachiwaqninchik Jesucristoman tukuy sunqunchikwan sayapakusun
Jehova Diospa testigokuna mana pimanpas sayapakusqanchikrayku sasachakuypi tarikuptinchikmi mana piensaylla achka autoridadkuna yanapawarqanchik.
15 KAQ YACHACHIKUY
Dios yupaychayninchikta harkakusqankurayku quejapi kasqanchik
Jehova Diospa testigonkunaqa autoridadkuna Dios yupaychayninchikta harkakusqankuraykum quejapi karqanchik.
