KHUNDU 4
Kuwina kwa Umambo—Kukhazikisa Mphangwa Zadidi Mwakubverana na Mitemo ya Dziko
MU NDZIDZI unamwaza imwe mphangwa nyumba na nyumba, musabva cingalingali na kutali. Cingalingali cisapitiriza na kulira mwakugaluza. Munatoma imwe kulonga na mwanaciro nyumba, andzanu asadzudzumika mu ndzidzi unafika motokala wa apolixa. Nkadamu wa apolixa asatcita mbabwera cifupi, mbabvundza: “Uwiri wanu ndimwe a mbumba inafamba nyumba na nyumba mbilonga pya Bhibhlya? Tisatambira mphangwa zakuipa zinalonga pya imwe!” Imwe musatawira mwacilemedzo, mbamulonga kuti ndimwe Mboni ya Yahova. Ninji pinafuna kudzacitika?
Khundu ikulu ya nkhani ineyi isanyindira mbiri. Mu pyaka pizinji, kodi mautongi a dziko inakhala imwe asatsalakana tani Mboni za Yahova? Kodi musagumanika ufulu wa uphemberi? Khala ndi tenepo, pasaoneka kuti pana pinthu pizinji toera kucita ninga abale na alongo anu auzimu a makhumi a pyaka adaphata basa mwakuwanga toera ‘kubvunulira na kukhazikisa mphangwa zadidi.’ (Afil. 1:7) Mwakukhonda tsalakana kunakhala imwe, kunyerezera mwacidikhodikho pya kuwina kwa Mboni za Yahova m’mathando akutonga kunakuwangisani cikhulupiro. Mu khundu ino, tinadzadinga pyakucitika pingasi pyakupambulika. Kuwina kwathu kusapangiza kuti Umambo ndi wandimomwene, tekhene nee mbitidakwanisa kuwina!
MU KHUNDU INO
NSOLO 13
Anyakumwaza Umambo Aendesa Miseru Ku Thando Yakutonga Miseru
M’madziko anango, anyakutonga miseru a mathando makulu asakhala na maonero a Gamalyele, wakuti akhali Mpfundzisi wakale wa Mwambo.
NSOLO 14
Kuphedzera Utongi Wa Mulungu Mwakukhulupirika, Tayu Unango
“Nyandza” ya kutcingwa kwa Mboni za Yahova thangwi yakukhonda kwawo kucita khundu mu pinthu pya ndale yamezwa munjira yakuti nee ikhadikhirwa.
NSOLO 15
Kumenya Nkhondo toera Kugumana Ufulu Wakulambira
Mbumba ya Mulungu yamenya nkhondo toera kukhala na ufulu wakubvera mwambo