ONEPA 4
Ayulo Wusoma—Oku Teyuila Olondaka Viwa
OSIMBU o kasi oku kundila konjo lanjo, o yeva onjuvungo yi tunda ocipãla. Kuenje onjuvungo yaco yi livokiya. Osimbu o vangula lomunu wa sangi, manji o talavaya love kupange woku kunda o lungayala poku mõla ekãlu liolosipayu li tãi ocipepi. Umue pokati kakuenje velombe o loka kuenje amẽla kokuene, loku pula hati: “Anga vu kasi loku enda konjo lanjo oku vangula catiamẽla Kembimbiliya? Omanu va kasi oku liyeya!” Ove o tambulula lesumbilo loku li situlula okuti Vulombangi Via Yehova. Nye ci ka pita noke?
Etambululo liatiamẽla kulandu waco. Vokuenda kuanyamo, ombiali yofeka yove ya siata oku tata ndati Olombangi Via Yehova? Anga hẽ atavo a kuete elianjo? Nda oco, ci lekisa alikolisilo vamanjove kespiritu va linga kanyamo apita oco va “teyuile kuenda oku tumbika olondaka viwa.” (Va Fil. 1:7) Kuosi o kasi, oku tanga catiamẽla kayulo Olombangi Via Yehova, ci pondola oku pamisa ekolelo liove. Vonepa yilo, tu ka kũlĩhisa amue pokati kovolandu aco a komohĩsa. Ayulo etu a komõhisa a lekisa okuti, Usoma wocili, kuenda longusu yetu muẽle, nda ka tua ci tẽlele!
VONEPA EYI
OCIPAMA 13
Akundi Vusoma va Tuala Ovitangi Viavo Kolombonge
Olonganji vimue viombonge ya velapo koloneke vilo via siata oku kuama ocisimĩlo ndeci ca Gamaliele, ulongisi Wocihandeleko.
OCIPAMA 14
Oku Pokola Lika Kuviali wa Suku
“Olui” luelambalalo Kolombangi Via Yehova omo lioku yuvula oku litenga vopulitika, wa iniwa lunene umue ka wa la vokawaile
OCIPAMA 15
Oku Yakela Elianjo Liefendelo
Afendeli va Suku va siata oku yakela elianjo lioku pokola kocihandeleko—ocihandeleko Cusoma wa Suku.