BARAHO mo atungusapai ni kporo na kporo, mo gi woro mbanya si ni poi tuturũ. Woroho tona ka kio kina kumbatayo. Wa tona mo ka fura na irakporo, gamo badia tungusapai ngere ki bi tarambiri nga ga aporisi. Porisi sa kuru ki ye fuo roni na ki sanahe nga: “Oni du nga agu aboro ue nandu kporo na kporo kaa fura na aboro riipa Baibiri? Aboro nakita ngbanga roni furani!” Mo karagapai nairisa ki ya oni nga aDezire Yekova. Ginipai nika manga fuo gure?

Nirengo, gipai re naruriipa agu apai namangi. Tipa dungu agarã, wai du agu agbia ngbii du rogo gaoni ringara amangipai na aDezire Yekova? Ya mo ranirii nga ga apambori ho? Kangia wo duhe, si naruriipa wai agu awirinaroni nga ga toro yo namangi ome ni bakerehe vuru gu dungu agarã susi tipa ka “banda [songoda] wene pangbanga na [ka] nyakasa ha.” (Frp. 1:⁠7) Ka oni vura du kina wari vurũ, pa berã oni kurii agu angbanga aDezire Yekova adu na diabese rogoho rengbe arengba ka nyakasa gaoni idapase. Rogo gi paparaha re, ani nika wisigopai tipa bete gu nyanyakipa apangbanga re. Agu adiabese re nayugo gu nyanyaki gopai furani nga Kindo nga ndikidipai, bambiko ani arengbenga kadu na diabese nisarani te!