REPUKAVY remañávo pe diskursántere. Haʼe ningo ne kongregasiongua ha ojapo hína iprimér diskúrso asambleahápe. Rehendu aja repensa mbaʼeichaitépa Ñandejára puévlo ohekomboʼe ermanokuérape. Nemanduʼa ko ermáno oñepyrũrõ guare ojapo diskúrso ha rehechakuaa koʼág̃a ivalevemaha. Ko ermáno tuicha oprogresa oho rire Eskuéla Prekursorkuérape G̃uarãme ha ndaʼareiete oho hembirekóndi Eskuéla Oñembokatupyryve Hag̃uáme umi Opredikávape. Opávo la diskúrso rejepopete, remaña enterovévare ha repensa Ñandejára ohekomboʼe porãitereiha ipuévlope.

La Biblia heʼíma vaʼekue og̃uahẽtaha pe tiémpo enterove oĩva kongregasiónpe ‘oñehekomboʼe porã vaʼerãha’ (Is. 54:13). Jaikóma upe tiémpope ha ndahaʼéi umi puvlikasión añónte ñanerekomboʼéva, síno avei umi rreunión, asambléa ha umi eskuéla ñanepytyvõva ñakumpli porã hag̃ua peteĩ asignasión. Ko pártepe jahecháta mbaʼéichapa koʼã mbaʼe ohechauka pe Rréino ogovernamaha ko tiémpope.