ផ្នែកទី៥
ការអប់រំពីរាជាណាចក្រព្រះ: ការបង្ហាត់បង្រៀនអ្នកបម្រើរបស់ស្តេច
អ្នកញញឹមលើកទឹកចិត្តអ្នកថ្លែងដែលកំពុងឈរនៅលើវេទិកា។ គាត់ជាបងប្រុសវ័យក្មេងម្នាក់ពីក្រុមជំនុំរបស់អ្នក ហើយគាត់កំពុងថ្លែងសុន្ទរកថាជាលើកដំបូងនៅសន្និបាត។ កាលដែលអ្នកស្ដាប់សុន្ទរកថារបស់គាត់ អ្នកនឹកអស្ចារ្យក្នុងចិត្តពេលនឹកឃើញការបង្ហាត់បង្រៀនដែលរាស្ត្ររបស់ព្រះទទួល។ អ្នកនឹកឃើញលើកដំបូងដែលយុវជននេះបានឡើងលើវេទិកាថ្លែងសុន្ទរកថានៅសាលប្រជុំរបស់ក្រុមជំនុំ ហើយឥឡូវនេះគាត់បានរីកចម្រើនច្រើនណាស់! ជាពិសេសក្រោយពីគាត់បានចូលរួមសាលាសម្រាប់អ្នកត្រួសត្រាយ។ ថ្មីៗនេះគាត់និងប្រពន្ធបានចូលរួមសាលាបង្ហាត់បង្រៀនអ្នកផ្សាយដំណឹងល្អអំពីរាជាណាចក្រព្រះ។ គាត់ថ្លែងសុន្ទរកថាយ៉ាងល្អ។ ពេលសុន្ទរកថានោះចប់ហើយ អ្នកទះដៃហើយមើលជុំវិញដោយគិតអំពីការបង្ហាត់បង្រៀនដែលរាស្ត្រគ្រប់រូបរបស់ព្រះទទួល។
គម្ពីរបានចែងទុកជាមុនអំពីគ្រាមួយដែលរាស្ត្រទាំងអស់របស់ព្រះនឹង«ធ្វើជាសិស្សរបស់ព្រះយេហូវ៉ា»។ (អេ. ៥៤:១៣) យើងកំពុងរស់នៅគ្រានោះ។ យើងទទួលការអប់រំ មិនគ្រាន់តែតាមរយៈសៀវភៅរបស់អង្គការយើងប៉ុណ្ណោះទេ តែតាមរយៈកិច្ចប្រជុំ សន្និបាត មហាសន្និបាត និងសាលាផ្សេងៗដែលជួយយើងឲ្យត្រៀមលក្ខណៈសម្រាប់កិច្ចបម្រើពិសេសក្នុងអង្គការរបស់ព្រះយេហូវ៉ា។ ក្នុងផ្នែកនេះ យើងនឹងពិចារណាអំពីរបៀបដែលការអប់រំទាំងអស់នេះ ផ្ដល់ភ័ស្តុតាងថា រាជាណាចក្ររបស់ព្រះកំពុងគ្រប់គ្រងនៅសព្វថ្ងៃនេះ។
ក្នុងផ្នែកនេះ
ជំពូកទី១៦
ការជួបជុំគ្នាដើម្បីគោរពប្រណិប័តន៍ព្រះ
តើតាមរបៀបណាយើងអាចទទួលប្រយោជន៍យ៉ាងពេញលេញពីការប្រជុំគ្នាដើម្បីគោរពប្រណិប័តន៍ព្រះយេហូវ៉ា?
ជំពូកទី១៧
ការបង្ហាត់បង្រៀនអ្នកបម្រើរាជាណាចក្រព្រះ
តើតាមរបៀបណាសាលារបស់អង្គការព្រះបានជួយអ្នកបម្រើរាជាណាចក្រឲ្យត្រៀមខ្លួនបំពេញមុខងាររបស់ខ្លួន?