SEKSON 5
Theocratic Education—Trainim Olketa Wakaman blo King
IU SMILE taem iu lukim young brata from kongregeson blo iu givim firstfala tok blo hem lo assembly program. Taem iu herem tok blo hem, iu tingim nao nambawan training wea pipol blo God kasem. Iu tingim lo firstaem wea hem waka hard lo olketa tok blo hem, and distaem hem kamap gud nao! Hem kamap gud bihaen hem attendim Pioneer Service Skul. No longtaem go nomoa, hem witim waef blo hem attendim Skul for Olketa Kingdom Evangelizer. Taem iu klapem hand lo end lo tok blo hem, iu luk raon and tingim olketa training wea evri pipol blo God kasem.
Bible profesi abaotem taem wea ‘Jehovah bae tisim evriwan.’ (Aesaea 54:13) Iumi stap lo taem wea profesi hia kamap tru. Iumi kasem training no lo olketa pablikeson blo iumi nomoa, bat iumi kasem training tu lo olketa meeting, assembly, convention, and olketa nara theocratic skul wea organization provaedem for redyim iumi for duim olketa difren assignment insaed organization blo Jehovah. Lo disfala sekson, bae iumi storyim olketa training wea iumi kasem hem barava pruvim Kingdom blo God hem rul.
LO DISFALA SEKSON
CHAPTER 16
Hipap Tugeta for Worship
Hao nao iumi savve kasem gud samting lo olketa meeting for worshipim Jehovah?
CHAPTER 17
Trainim Olketa Wakaman blo Kingdom
Lo olketa wanem wei nao olketa theocratic skul helpem pipol blo God for duim gud assignment blo olketa for talemaot gud nius?