5 KAQ PARTE
Jesucristom diosmanta willakunapaq qatiqninkunata yachachichkan
KAYPI piensariy: Hatun huñunakuypim qawachkanki huk kaqnin riqsisqayki ancianota, payqa chayllaraqmi yachachichkan chayna hatun huñunakuypiqa. Uyarisqaykiman hinachá kusikunki allin yachachisqanta uyarispayki. Yuyarinkichá Diosmanta yachachinapaq escuelapi bibliata chayllaraq imayna leesqanta, kunanqa huñunakuykunapim sumaqtaña yachachin. Chayna allin yachachiq kananpaqmi yanaparqa precursorkunapaq escuela hinaspa Diospa gobiernonmanta willakunapaq escuelakuna. Yachachiyta tukuruptin taqllakuspachá chaypi kaq iñiqmasikikunata qawarispa yuyaymananki Diospa llaqtanpi llapallanchik imayna yachachisqa kasqanchikpi.
Ñawpa tiempomantaraqmi bibliaqa willakurqaña Diospa llaqtanpi kaqkuna Jehova Diospa ‘yachachisqan’ kanankumanta (Is. 54:13). Chayqa kunan tiempopim cumplikuchkan. Diosmi yachachiwanchik qillqanchikkunawan, huñunakuyninchikkunapi chaynataq escuelakunapipas. Chayna yachachikuykuna chaskisqanchikmi sutillata qawachin Jesucristoña kamachimuwasqanchikta, chaymantam qatiqnin yachachikuykunapi astawan yachasun.
KAYPI
16 KAQ YACHACHIKUY
Diosta yupaychanapaq huñunakuyninchikkuna
¿Imatam ruwachwan huñunakuyninchikkuna allinta yanapawananchikpaq?
17 KAQ YACHACHIKUY
Dios yupaychaqkunata yachachinanpaq escuelakuna
¿Imaynatam Diospa llaqtanpi escuelakunaqa yanaparqa astawan yanapakuy munaqkunata?