INCENYE 5
Imfundvo YeMbuso—Kucecesha Tinceku TeNkhosi
UYAMAMATSEKA njengobe umzalwane abeka inkhulumo endzaweni yesikhulumi. Lomzalwane losemusha uvela ebandleni lokulo, futsi ubeka inkhulumo yakhe yekucala emhlanganweni wesifundza. Njengobe ulalele lenkhulumo, kukujabulisa kakhulu kucabanga ngekuceceshwa lokutfolwa bantfu baNkulunkulu. Uyamkhumbula lomzalwane abeka inkhulumo yakhe yekucala endzaweni yesikhulumi, ucabanga nendlela lesekatfutfuke ngayo. ngayo. Watfutfuka ngekuba khona eSikolweni Semsebenti WemaKhristu wase uceceshwa naseSikolweni Semsebenti Semahlahlandlela. Esikhatsini sakamuva, lomzalwane kanye nemkakhe bajabulele kuceceshwa eSikolweni Sebavangeli BeMbuso. Njengobe ushaya tandla ubonga lenkhulumo lemnandzi lebekwa ngulomzalwane, ubuka eceleni bese ucabanga ngemfundvo letfolwa ngibo bonkhe bantfu baNkulunkulu.
LiBhayibheli laphrofetha ngesikhatsi lapho bonkhe bantfu Nkulunkulu “bayawufundziswa nguSimakadze.” (Isa. 54:13) Siphila kuleso sikhatsi. Sitfola lemfundvo hhayi kuphela ngetincwadzi tetfu kodvwa nangemihlangano yelibandla, ngemihlangano lemincane, lemikhulu kanye nangetikolwa letehlukahlukene letilungiselelwe kusiceceshela tabelo letitsite enhlanganweni yaJehova. Kulencenye sitawucoca ngekutsi lemfundvo ibuniketa njani bufakazi bekutsi uMbuso waNkulunkulu uyabusa lamuhla.
LOKUKULELIKHASI
SEHLUKO 16
Kuhlangana Ndzawonye Kute Sikhonte Nkulunkulu
Singazuza njani kakhulu emihlanganweni yekukhonta Jehova?
SEHLUKO 17
Kucecesha Tikhonti TeMbuso
Tikolwa tebuKhristu titilungiselele njani tikhonti teMbuso kutsi tifeze imisebenti yato?