TUHAA 5
Haapiiraa a te Basileia: Faaineineraa i te mau tavini a te Arii
E HIˈO oe i te taeae e orero mai ra na mua mai ma te mata ataata. E taeae apî oia no ta oe amuiraa. A tahi ra o ˈna a vauvau ai i te hoê oreroraa parau i te tairururaa. A faaroo noa ˈi oe ia ˈna, e faahiahia roa oe i te faaineineraa ta te nunaa o Iehova e fanaˈo ra. E haamanaˈo oe i te mau tumu parau matamua a taua taeae apî ra. I teie nei, ua haere roa o ˈna i mua i muri aˈe i to ˈna haereraa i te Haapiiraa no te mau pionie. Aita i maoro roa aˈenei, ua haere raua ta ˈna vahine i te Haapiiraa no te feia poro i te parau apî oaoa o te Basileia. A popou ai oe i te otiraa ta ˈna oreroraa parau, e hiˈo oe i te feia tei ruru mai a feruri ai i te haapiiraa ta te nunaa taatoa o te Atua e fanaˈo ra.
Ua tohu te Bibilia e e tae i te hoê tau, “e haapiihia” te nunaa o te Atua “e Iehova.” (Isa. 54:13) Te ora nei tatou i tera tau. Te fanaˈo nei tatou i te haapiiraa na roto i te mau papai Bibilia, te mau putuputuraa, te mau tairururaa e te mau haapiiraa o te faaineine ia tatou no te tahi mau ohipa i roto i ta Iehova faanahonahoraa. I roto i teie tuhaa, e hiˈo mai tatou e nafea teie mau haapiiraa atoa e haapapu ai e te faatere nei te Basileia o te Atua i teie mahana.
I ROTO I TEIE TUHAA
PENE 16
Putuputuraa no te haamori ia Iehova
E nafea tatou e faufaa-roa-hia ˈi i te mau putuputuraa no te haamori ia Iehova?
PENE 17
Faaineineraa i te feia poro i te Basileia
Mea nafea te mau haapiiraa Kerisetiano i te faaineineraa i te feia poro i te Basileia no ta ratou hopoia?