FAʼAHI 5
ʼE Akoʼi Tatou e Te Puleʼaga—ʼE Akoʼi Te ʼu Kaugana ʼo Te Hau
ʼE KE fiafia ʼi tau sio ki te tehina ʼae ʼe tuʼu ʼi te faiakonakiʼaga. Koteʼuhi ʼe kolua kokelekasio tahi pea ko tana hoki fai ʼae tana akonaki ʼi he fakatahi lahi. ʼE ke leleiʼia tana akonaki pea mo ke punamaʼuli ki te ako ʼae ʼe fai ki te hahaʼi ʼa te ʼAtua. ʼE ke manatuʼi te ʼu faiga ʼo te tehina ʼaia ʼi tana kamakamata faiakonaki, pea kua liliu leva ʼo faiva ʼi te temi ʼaeni. Neʼe kau ki te Ako Fakateokalatike pea ki muli age ki te Ako ʼo Te Kau Pionie. Ko ia mo tona ʼohoana, neʼe hoki ʼosi age pe tanā kau ki te Ako ʼo Te Kau Faifakamafola ʼo Te Puleʼaga. Koia ʼi tau pasipasi ki te akonaki lelei ʼa te tehina, ʼe ke fakakaukauʼi ai ia te ako ʼae ʼe fai ki te hahaʼi fuli ʼa te ʼAtua.
Neʼe fakakikite ʼi te Tohi-Tapu ʼe liliu anai te hahaʼi fuli ʼa te ʼAtua ʼi he temi “ko ni tisipulo” peʼe ko ni hahaʼi ʼe akoʼi e Sehova. (Esa. 54:13) Pea ʼe tou maʼuʼuli nei ʼi te temi ʼaia. ʼE akoʼi tatou ʼaki ʼatatou tohi, mo ʼatatou fono, mo ʼatatou fakatahi lalahi, pea mo te ʼu ako kehekehe ke feala ai hatatou fakahoko he ʼu gaue ʼi te kautahi ʼa Sehova. ʼI te faʼahi 5 ʼaeni, ʼe tou vakaʼi anai pe ʼe fakamoʼoni feafeaʼi e totatou akoʼi ʼaia ia te lolotoga pule ʼa te Puleʼaga ʼo te ʼAtua ia ʼaho nei.
IN THIS SECTION
KAPITE 16
ʼE Tou Fakatahitahi Moʼo Tauhi Kia Sehova
ʼE lava fua lelei feafeaʼi kia tatou te ʼu fono ʼae ʼe tou tauhi ai kia Sehova?
KAPITE 17
ʼE Akoʼi Te Kau Faifakamafola ʼo Te Puleʼaga
ʼE teuteu feafeaʼi e te ʼu ako fakateokalatike ia te kau faifakamafola ʼo te Puleʼaga ke natou fakahoko ʼanatou gaue?