PAKSA masuk kam ku Bale Kinirajan, mesera akapndu nandaisa. Megah akapndu mbarenda nari nandangi bangunen e. La banci ilupakenndu kenangen manis paksa ikut i bas pembangunen ertahun-tahun si nggo lewat. Tapi, reh megahna akapndu gundari erkiteken Bale Kinirajan e nggo jadi posko penampat sementara. Kenca terjadi angin si meter mbaru-mbaru enda si erbahan banjir janah ncedai wilayahndu, minter iaturken Panitia Cabang gelah korban mara ndat pangan, uis, lau si bersih, bage pe penampat si debanna. Sumbangen pe sikap isusun. Rehen me turang senina muat kai si iperlukenna janah megati, alu iluh keriahen ukur.

Ikataken Jesus maka ciri si teridah i bas rayatna nari eme kekelengen sapih-sapih kalak enda. (Joh. 13:34, 35) I bas bagin enda, sibahas kari uga kekelengen Kristen teridah i bas erbage proyek pembangunen bage pe i bas upaya Saksi-Saksi Jahwe guna mereken penampat kemanusian. Kekelengen si bage jadi sada bukti si jelas maka kita nggeluh i bas pemerentahen Kinirajan Jesus.