EPENSAMÍNTENA reg̃uahẽha rehóvo Salón del Réinope ha haʼete voi ótro lugár mbaʼe. Nde ningo siémpre remombaʼetereíva upe lugár. Nemanduʼa akokueheténte pemopuʼã hague ha mbaʼeichaitépa pembaʼapo upearã. Péro koʼág̃a remombaʼevéntema pe salón pórke ojeporu oñepytyvõ hag̃ua umi ohasa vaiete vaʼekuépe. Ramoiténte peteĩ torménta ojapo heta sarambi ha oĩ lugár ojagarrapaha y. Upévare pe Komite de Sukursál pyaʼe omog̃uahẽ umi oikóvape upépe tembiʼu, ao, y potĩ ha umi ótra kósa tekotevẽva. Opa koʼã mbaʼe oñemohenda porã pe salón ryepýpe. Umi ermáno oforma hína fíla oñemeʼẽ hag̃ua chupekuéra la ajudomi ha oĩ heta hesaypororopáva omombaʼégui pe ojejapóva hesehapekuéra.

Jesús heʼi vaʼekue enterove opillataha mávapa idisipulokuéra, ohechávo ojoayhuha hikuái (Juan 13:34, 35). Ko pártepe jahecháta mbaʼéichapa ojoayhu ermanokuéra. Upévare testígo de Jehová omopuʼã umi lugár ojapo hag̃ua rreunión ha avei oipytyvõ iñermanokuéra oikotevẽvape. Péicha ojekuaa jaikomaha Jesucristo Rréino poguýpe.