წარმოიდგინე, რომ შეხვედი სამეფო დარბაზში და იქაურობა სრულიად შეცვლილი დაგვხვდა. ამ შენობით ყოველთვის ამაყობდი. შესაძლოა, გახსენდება ის ბედნიერი წუთები, როცა მის მშენებლობაში მონაწილეობდი. მაგრამ ახლა უფრო ამაყობ ამ შენობით, რადგან ის დროებით სტიქიური უბედურებით დაზარალებულთა დახმარების ცენტრი გახდა. ახლახან თქვენს მხარეში მომხდარი ქარიშხლის შედეგად დაიტბორა და გაპარტახდა ყველაფერი, მაგრამ ფილიალის კომიტეტმა სწრაფად იმოქმედა, რომ დაზარალებულები უზრუნველეყო საკვებით, ტანსაცმლით, სასმელი წყლით და ა. შ. შემოწირული ნივთები აკურატულად აწყვია. და-ძმები რიგრიგობით შედიან დარბაზში, იღებენ საჭირო ნივთებს და ბევრ მათგანს სიხარულის ცრემლებით ევსება თვალები.

იესომ იწინასწარმეტყველა, რომ მისი ხალხი გამორჩეული იქნებოდა ერთმანეთისადმი სიყვარულით (იოან. 13:34, 35). ამ ნაწილში განვიხილავთ, როგორ ავლენენ იეჰოვას მოწმეები ქრისტიანულ სიყვარულს სამშენებლო პროექტებისა და ჰუმანიტარული დახმარების აღმოჩენის დროს. ეს სიყვარული იმის ძლიერი მტკიცებაა, რომ იესოს სამეფო მმართველობს.