TA HŨŨRA mbica ũtonyete nyũmba-inĩ ya Ũthamaki ya kwanyu ũkagega nĩ ũrĩa ĩtariĩ. Ũtũire ũkenetio nĩ nyũmba ĩyo. O na hihi nĩ ũririkanaga ũrĩa wakeneire gũteithĩrĩria rĩrĩa yakagwo mĩaka ĩigana ũna mĩthiru. No rĩu ũgakena o na makĩria tondũ Nyũmba ĩyo ya Ũthamaki ĩgarũrĩtwo ĩgatuĩka handũ ha kũheanĩra ũteithio kwa ihinda rĩigana ũna. Thutha wa gĩcanjama kĩa ndũire kĩrĩa kĩragũmĩire itũũra rĩu, Kamĩtĩ ya Wabici ya Rũhonge nĩ ĩrathondekire mũbango wa na ihenya wa gũteithia arĩa magũmĩirũo na njĩra ya kũmahe irio, nguo, maĩ matheru, na ũteithio ũngĩ. Indo iria iheanĩtwo cia gũteithia andũ ibangĩtwo wega mũno. Aarĩ na ariũ a Ithe witũ maroka makaheo ũteithio ũrĩa marabatara, na aingĩ makarĩra maithori ma gĩkeno.

Jesu oigire atĩ andũ ake mangĩkamenyeka nĩ ũndũ wa ũrĩa mendaine. (Joh. 13:34, 35) Gĩcigo-inĩ gĩkĩ, nĩ tũkuona ũrĩa Aira a Jehova monanagia wendo wa Gĩkristiano rĩrĩa maraaka na makaheana ũteithio. Wendo ta ũcio, wonanagia atĩ tũratũũra rungu rwa wathani wa Ũthamaki wa Jesu.