CHIHANDA 6
Kukundwiza Wangana—Kutunga Vihela Vyajila naKukafwa Vali muUkalu
ACHISHINGANYEKENU munakatuka nakuya kuZuvo yaWangana. Omu namuheta kuze namuwahilila hakumona omu yinakusoloka, mwomwo nayenu munazananga mumulimo wakuyitunga. Oloze namuwahilila chikuma hakumona jino muzuvo kana mukiko vanakungulwila vandumbwetu vali muukalu wakulijila. Omu kwahitanga vula yachijimbilanganga, yapuzulanga jizuvo javatu jajivulu, kaha Komiti yaMutango yinawahisa washiwashi vyuma mangana vandumbwetu valikungulwile hamwe vavahane vyakulya, vyakuvwala, meya, navyuma vyeka vyakuvakafwa. Vandumbwetu vanaputuka kutambula vyuma vavakungulwilanga oku vanakusotola masoji mwomwo yakuwahilila hakumona vyuma vanavawahishila vandumbwavo.
Yesu ambile ngwenyi chuma chachinene navakatachikijilaho vatu jenyi shina kuzanga vandumbwavo. (Yowa. 13:34, 35) Muchihanda chino natushimutwila omu Vinjiho jaYehova vanakusolwela vandumbwavo zangi hakuvatungila vihela nakuvakungulwila vyuma vyakumujimba vyakuvakafwa. Muchima kanou wazangi unakusolola hatoma nge Yesu ali nakutuyula.
MUCHIHANDA CHINO
KAPETULU 18
Omu Veji Kukundwizanga Milimo yaWangana
Uno jimbongo veji kujiwananga kulihi? Kaha veji kujizachisanga ngachilihi?
KAPETULU 19
Mulimo waKutunga Uze Unakwalisa Yehova
Vihela vyakulemesela vyeji kuneha kavumbi hali Kalunga, oloze kwatwama chuma cheka chize amona kupwa chachilemu chikuma.
KAPETULU 20
Mulimo waKukafwa Vandumbwetu Vali muUkalu
Twejiva ngachilihi ngwetu mulimo wakukafwa vakwetu naukiko wapwa mulimo wajila?
