PAR ane ni ichopo e Od Romo maru, to iyudo ka gik ma dhi nyime e iye opogore matin. Isebedo ka imor gi odno ahinya, kendo samoro pod iparo kaka ne ikonyo tich kanyo e kinde ma ne igere. Mor opong’o chunyi nikech Komiti mar Bad Ofis ma pinyu nyocha opwodho mondo ti gi odno e chiwo kony ne owete gi nyimine ma nyocha oyudo masira ka ne kodh yamo mager okelo oula ma noketho udi mang’eny. Gik moko timore kanyo e yo mochanore maber. Owete gi nyimine obiro kanyo, kendo imiyogi chiemo, pi maler, lewni, kod gik mamoko ma kamago. Gimor ma moko kuomgi pi wang’gi e ma chuer.

Yesu nowacho ni hera e kido maduong’ ma ne idhi fwenygo jolupne. (Joh. 13:34, 35) E sula adek ma luwogi, wabiro neno kaka hera ma Joneno mag Jehova nyiso nenore seche ma gigero ute mag lamo kod sama gikonyo joma oyudo masira. Mago duto nyiso ni Yesu osechako locho e Pinyruodh Nyasaye.