KAYPI piensariy: Huñunakuna wasi sumaqllaña kasqanta qawaspaqa hinaspa chay wasita ruwaptinku yanapasqaykita yuyarispaqa kusikunkichá. Ichaqa hatun desgracia pasasqanraykum chay huñunakuna wasitaqa sasachakuypi tarikuq iñiqmasinchikkunata yanapanankupaq servichikuchkanku, chayta qawaspaqa astawan kusisqaraqchá tarikunki. Betel wasimanta cuentallikuqkunapas mikuyta, pachata, yakuta hinaspa hampikunata chaypi aypunankupaqmi tantearunku. Iñiqmasinchikkunañataqmi chay yanapakuyta chaskikunankupaq sayachkanku, wakinqa wiqi ñawintinraqmi.

Jesusmi nirqa qatiqninkunaqa kuyanakusqankurayku suti riqsiylla kanankumanta (Juan 13:34, 35). Diosta yupaychanapaq wasikuna ruwaypi hinaspa hatun desgraciakuna pasaptin yanapanakusqanchikmi kuyanakusqanchikta qawachin, chaymantam kay partepi yachasun. Chayna kuyanakusqanchikqa sutillatam qawachin Jesucristo kamachimuwasqanchiktaña.