Ukwash wa Want—Kutung Mulong wa Kwifukwil ni Kupan Ukwash
CHIKUNKU CHA 6
Ukwash wa Want—Kutung Mulong wa Kwifukwil ni Kupan Ukwash
TONG bil anch udi mu Chot chen cha Want pakwez witiyijinap kand mutapu wadinga chot chinech pasak. Usangaredining nakash chikumbu chinech. Uvurikin pamwing ap yom yiwamp yiwapana mulong wa kukwash ku rutung ra chot chinech pasutin kal mivu. Pakwez, tukwet katat musangar mulong Chot cha Want chikal kal kand ndond ya kuyikwashinamu akadivar pa chisu chikemp. Kupwa kwa kushik rinkind mukash ni mabeb, ni kusheshik kwa ngand, Komite wa mutiy watenchikin yom swa chakwel akadivar amena mar ma chitangil atambula yakudia, maswin, mem mawamp, ni yom yikwau. Atenchika nawamp yom yifanyidinau kuyinkish. Akadivar ni anambaz adi avud ezina umwing ni mukwau mulong wa kutambul yipaninau. Avud pakach pau abudishin mansoj ma musangar ku mes mau.
Yesu walonda anch antwend akez kuyijikin kusutil ku rukat rikumekeshau piur umwing ni mukwau. (Yoh. 13:34, 35) Mu chikunku chinech, tukez kuman mutapu umekeshinau rukat mu midimu ya rutung ni ya kupan ukwash yasalau kudi Atuman a Yehova. Rukat riner rawonsu rimekeshin patok anch tudi mu winyikel wa Want wa Yesu.
MU CHIKUNKU CHINECH
SHAPITRE WA 18
Ov, Kwisu Kudiokila Nfalang ja Mijikit ya Want
Ov, kwisu kudiokila nfalang? Ov, mutapu ik ukatau kujisadil?
SHAPITRE WA 19
Mudimu wa Rutung Ukat Kumushiman Yehova
Ndond ya kwifukwil yikat kumushiman Nzamb, pakwez ndiy usangaredining chom chikwau chijim nakash.
SHAPITRE WA 20
Ukwash udi Mutapu Ukwau wa Kulejan
Ov, mutapu ik twija anch mudimu wa ukwash udi chikunku cha mudimu utumbula kudi Yehova?
