HYN në Sallën e Mbretërisë dhe mezi e njeh. Gjithmonë ke qenë krenar për këtë ndërtesë. Madje mund të kesh kujtime të bukura për kohën kur ndihmove në ndërtimin e saj disa vjet më parë. Por, në njëfarë mënyre, je edhe më shumë krenar tani, sepse Salla e Mbretërisë është kthyer në qendër të përkohshme ndihme. Pasi një stuhi solli përmbytje dhe shkatërrime në vend, Komiteti i Degës menjëherë mori masa që viktimat e katastrofës të merrnin ushqim, veshje, ujë të pastër dhe ndihmë tjetër. Ndihmat e dhuruara janë organizuar mirë. Vëllezërit dhe motrat hyjnë me radhë, marrin ndihmën e nevojshme dhe, në shumë raste, fshijnë lot gëzimi.

Jezui tha se shenja dalluese e popullit të tij do të ishte dashuria për njëri-tjetrin. (Gjoni 13:34, 35) Në këtë pjesë do të shqyrtojmë si po tregohet dashuria e krishterë te projektet e ndërtimit dhe te vepra e ndihmës që bëjnë Dëshmitarët e Jehovait. Gjithë kjo dashuri është provë e fortë se jetojmë nën qeverisjen e Mbretërisë së Jezuit.