SEHEMU YA 6
Kuunga Ufalme Mukono—Kazi ya Kujenga Mahali pa Ibada na Kutolea Ndugu Misaada Wakati wa Magumu
FIKIRIA jambo hili: Unatembea katika Jumba lenu la Ufalme, lakini unashangaa kuona namna limekuwa. Kwa kawaida umekuwa mwenye kufurahia jumba lenu. Pengine unakumbuka hata namna ulisaidia katika ujenzi wa jumba hilo kumekwisha kupita miaka fulani. Lakini, sasa kuna jambo lingine ambalo linakufanya ufurahi hata zaidi. Jumba lenu la Ufalme limegeuzwa kwa muda fulani kuwa mahali pa kugawia ndugu na dada misaada kwa sababu wamepatwa na magumu. Hivi karibuni, upepo wa mvua kali uliharibu eneo la kwenu, na Halmashauri ya Tawi ilichukua mara moja mipango ya kuwasaidia ndugu na dada ili wapate chakula, mavazi, maji safi na misaada mingine. Kazi ya kutoa misaada imepangwa vizuri. Ndugu na dada ni wenye kuwa kwenye mustari na wanapokea misaada ambayo wanahitaji. Wengi wao wanatoa machozi ya furaha.
Yesu alisema kwamba alama ya maana sana yenye kutambulisha wafuasi wake ni upendo kati yao. (Yoh. 13:34, 35) Katika sehemu hii, tutazungumuzia namna Mashahidi wa Yehova wanaonyesha upendo wao wa Kikristo wakati wa ujenzi mbalimbali, na wakati wanajikaza kutolea ndugu na dada misaada wakati wamepatwa na magumu. Upendo huo ni ushahidi wenye nguvu ambao unaonyesha kwamba tunaongozwa na Ufalme wa Yesu ambao unatawala.
KATIKA SEHEMU HII
SURA YA 18
Feza za Kuendesha Kazi za Ufalme Zinatoka Wapi?
Feza zinatoka wapi? Zinatumiwa namna gani?
SURA YA 19
Kazi ya Ujenzi Ambayo Inamuletea Yehova Heshima
Majumba ya ibada inamuletea Mungu heshima, lakini kuna jambo lingine ambalo anaona kuwa la maana zaidi.
SURA YA 20
Kazi ya Kutolea Ndugu Misaada Wakati wa Magumu
Namna gani tunajua kwamba kazi ya kutolea ndugu misaada wakati wa magumu ni sehemu ya utumishi wetu mutakatifu kwa Yehova?
