VAEGA 6
Ke ‵Lago Atu ki te Malo—Galuega Fakatū‵tu mō Tapuakiga mo Meaalofa Fesoasoani
KO SASALE atu koe ki te otou Kingdom Hall kae ko se lavea ‵lei ne koe te koga tenā. Ne fakamatamata faeloa koe i te fale tenei. Kāti e masaua ne koe a te fiafia i taimi ne fesoasoani atu ei koe ki tena faitega i nai tausaga ko ‵teka. Kae nei la, ko silia atu eiloa tou fakamatamata me ko fakaaoga te otou Kingdom Hall ki se koga e fakamaopoopo ei a meaalofa fesoasoani mō tino kolā ne pokotia i fakalavelave ‵tupu mō se vaitaimi. Mai tua o te taimi ne fakamāfua aka ei ne se matagi malosi a lofiaga mo fakamaseiga ki te otou fa‵kai, ne fakatoka fakavave ne te Komiti o te Ofisa Lagolago ke avatu a meakai, gatu, vai ‵ma, mo nisi fesoasoani ki tino kolā e pokotia i ei. Ne fakatoka faka‵lei eiloa a meaalofa fesoasoani. Ko olo atu a taina mo tuagane ki te Kingdom Hall, puke a mea e manakogina ne latou, kae ‵solo olotou loimata ona ko te fia‵fia.
Ne fai mai a Iesu me i te fakailoga tu ‵kese o ana tino ko te fakatau a‵lofa. (Ioa. 13:34, 35) I te vaega tenei, ka mafau‵fau tatou ki te auala ne fakaasi atu te alofa faka-Kelisiano i galuega fakatū‵tu mo taumafaiga ke fesoasoani atu telā e fai ne Molimau a Ieova. A te vaegā alofa penā se fakamaoniga sili me ko ‵nofo tatou mai lalo i te pulega a te Malo o Keliso.
[Fakamatalaga o te Ata i te itulau e 192]
Fakamaui: Meaalofa fesoasoani ne avatu mai Switzerland ki ‵tou taina i Siamani, i te 1946
[Fakamatalaga o te Ata i te itulau e 192]
Fakaatamai: Te ‵toe faitega o se Kingdom Hall i Tiapani mai tua o te tsunami, i te 2011
I TE VAEGA TENEI
MATAUPU E 18
Te Auala e Maua ei a Tupe mō Galuega a te Malo
E maua mai i fea a tupe? E fakaaoga pefea a tupe?
MATAUPU E 19
Galuega Fakatū‵tu Kolā e Fakaaloalo Atu ki a Ieova
E fakaaloalo atu a koga tapuaki ki te Atua, kae e fakatāua malosi eiloa ne ia se isi mea telā e tāua atu.
MATAUPU E 20
Galuega Fesoasoani
E iloa pefea ne tatou me i te galuega fesoasoani se vaega o te ‵tou taviniga tapu ki a Ieova?