PAGSULOD mo ha iyo Kingdom Hall, haros waray mo na makilala an lugar. Hadto pa man, iginpapasigarbo mo na ini. Bangin nahinunumdoman mo pa ngani an imo kalipay han bumulig ka pagtukod hini pipira ka tuig na an naglabay. Kondi yana, mas iginpapasigarbo mo an iyo Kingdom Hall tungod kay ginhimo anay ini nga relief center. Katapos han diri pa la maiha nga bagyo, ginbaha ngan nadaot an iyo lugar. Madagmit nga ginios an Komite han Sanga. Gin-organisar nira an pagtagana hin pagkaon, bado, limpyo nga tubig, ngan iba pa nga bulig para ha mga biktima. Nakahan-ay ito nga mga suplay ha iyo Kingdom Hall. Napila an kabugtoan basi kumuha han ira panginahanglan. Damu ha ira an waray makapugong han ira luha tungod ha kalipay.

Hi Jesus nagsiring nga an nangunguna nga pangirilal-an han iya katawohan amo an ira gugma ha usa kag usa. (Juan 13:34, 35) Hini nga seksyon, paghihisgotan naton kon paonan-o nakikita an gugma han mga Kristiano ha mga proyekto ha pagtukod ngan ha pagtagana hin bulig han mga Saksi ni Jehova. Ini ngatanan marig-on nga ebidensya nga nagkikinabuhi na kita ilarom han pagmando han Ginhadian ha paghadi ni Jesus.