你行入王國聚會所，幾乎認唔出呢個地方。你一直都因呢個王國聚會所而感到自豪。你幾年前參加過呢個聚會所嘅建築工作，可能仲留低咗美好嘅回憶。而家，你感到更加自豪，因為呢個王國聚會所臨時用嚟做一個救援中心。最近嘅一場暴風引起水災，使呢個地區受到嚴重嘅破壞。分部委員會迅速組織起嚟，為災民提供食物、衣物、飲用水同其它幫助。呢啲捐助嘅救援物資擺放得好整齊。弟兄姊妹有秩序噉排隊領取自己需要嘅物品，當中好多人都流下感動嘅淚水。

耶穌話，彼此相愛係佢門徒嘅顯著標誌。（約翰福音13:34,35）呢一篇我哋會睇吓，耶和華見證人點樣通過建築工程同賑災工作表現出基督徒嘅愛。呢啲出於愛心嘅行動有力噉證明我哋正生活喺彌賽亞王國嘅統治之下。