Yepetëi reyapo opa mbae ikavi vae nemendape jare ndero pegua reta oiko vaerä yerovia reve, ërei ámope oasa mbae ñaärombae reve yandembopɨatɨtɨ vae (Santiago 4:14). Jehová omee yandeve yemborɨ yaasa ñaï yave mboavai rupi. Peyapo Tumpa Iñee yemboarakuaa jei rami yave, pepuereta pemomɨ̈rata mbaeavai guasure.

TUMPA IÑEE JEI VAE: “Peeya Tumpa pe opaete peyemoambeko jese vae, echa jae oyangareko oï peré” (1 Pedro 5:7). Nemaendúa aveitako Tumpa mbaetɨko ombou peve mbaemboavai reta (Santiago 1:13). Reyemboya jese yave ndemborɨ aveitako (Isaías 41:10). Tumpa Iñee jei: “Pemee pepɨa chupe” (Salmo 62:8).

Remongeta jare reyemboe yave Tumpa Iñee re opaete ara rupi ndembopɨakatutako. Jökorai reyapo yave, reechata kërai Jehová “yandembopɨakatu opaete yaiporara vae rupi” (2 Corintios 1:3, 4; Romanos 15:4). Jehová jei omeeta ndeve “ipɨakatu yandepuereä etei yaikuaa vae” (Filipenses 4:6, 7, 13).

NDEPUERE REYAPO VAE:

• Eyerure Jehovápe ndemborɨ vaerä renoi pɨaguasu jare jësaka kavi vaerä ndepɨayemongetare

• Reechatako opaete mbaembaera ikavita reiparavo vaerä

TUMPA IÑEE JEI VAE: “Yarakuaa katu vae oenduta, jare oñemoïru yé chupe iyarakuaa katu” (Proverbios 1:5). Reparandutako mbae ra oata opaete pe, reikuaa kavi vaerä kërai eñemosiente oï reta vae. Eyemongeta jae reta ndive jare eyeapɨsaka kavi chupe reta (Proverbios 20:5).

Jare aramoi omano ndegüi kia reaɨu yae vae, agüɨyetako nemara rere kërai reñemosiete vae. Nemaenduatako “Jesús oyaeo” vi (Juan 11:35; Eclesiastés 3:4). Reke kavitako reputuu kavi vaerä (Marcos 6:31). Jayave yavai katutaä remomɨ̈rata yemboavai.

NDEPUERE REYAPO VAE:

• Reyepokuaatako nemiari kavi ndero pegua reta ndive ndei oasa mbaesusere mbove. Jökorai penoi mboavai reta yave pepɨakatu reve peñemomiarita jókuaere

• Eyemongeta kia reta ndive oasama kuae yemboavai rupi vae

TUMPA IÑEE JEI VAE: “Vɨa-ïru, oporoaɨu avei ko; tëtara ete rami ko, oime yave mbɨatɨtɨ” (Proverbios 17:17). Ipuereko ndevɨa ïru oipotata ndemborɨ, ërei aramoi jae reta mbaetɨ oikuaa këraitara ipuere ndemborɨ. Ere chupe reta mbaera nde reipota oyapo ndeve guarä (Proverbios 12:25). Tumpa Iñee yemboarakuaa reta ndemborɨta reñemosiente kavi vaerä, jayave eeka kia oikuaa katu Tumpa Iñee regua ndemborɨ vaerä (Santiago 5:14).

Eyepokuaa eñemoïru kia iporogüɨrovia täta Tumpa re jare ipromesa re, jókuaeko ndemborɨ kavi yaeta. Jayave ndembopɨakatuta vi remborɨ kia ipɨatɨtɨ vae yave. Nemiari avei ndeporogüɨrovia Jehová re jare jae omeeta yandeve vae. Eecha mbae ndepuere reyapo nderapicha peguarä jare agüɨye esɨrɨ nderaɨu jare oñemoambeko nderé vae reta güi (Proverbios 18:1; 1 Corintios 15:58).

NDEPUERE REYAPO VAE:

• Eeka ndevɨa ïru reyemongeta jae ndive vaerä jare emaeño tandemborɨ

• Ere añete rupi kavi mbaera nde reipota