ISAMBILILO 8
Ili Mwaponenwa ne Makatasho
‘Mulukusemba ukwakuti, nangaba ati ni pampindi lukoso inini, kani efyefyo, caelelwa ukweba ati mube ne kubombomana pakuti pa filukumukatasheni.’—1 Petilo 1:6
Nangaba ati mulesha apapelele amakosa enu pakweba ati mulitemweshe mu cupo cenu, ifintu ifitamucetekele fingacitika mu cupo cenu ifingalengesha mwaba amakatasho kabili ne kubula ukusangalala mu cupo cenu. (Uwakutulisha 9:11) BaLesa mubutemwe balatofwako fwebo kani twaba ne makatasho. Kani mwalonda ifi ifyebo tusangana mu Baibolo, mwebo ne cisoolo cenu mukaba ne kushilisha amakatasho, nangaba ati akule’shani.
1 MULUKWEYAMINA PALI BAYEHOVA
IFI BAIBOLO ILABILA: “Ukubamba kwenu konse ukwa mu mitima poseni pali bo, pakuti balamulameni.” (1 Petilo 5:7) Lyonse mulukwanuka ukweba ati baLesa talipo ebalenga amakatasho mulukupitamo. (Jakobo 1:13) Ili mulukupalamina makosa kuli bo, bakamofweniko muli fyefyo mulukukatashiwako. (Yisaya 41:10) “Kamupema-mo muli bo impindi shonse.” (Amasamo 62:8)
Necikafumamo, mukabona ifi baYehova ‘batusangalasha fwebo paNakabili mukasangalashiwa ili mukalukupenda ne kusambilila Baibolo cila kasuba. kupenga kwesu.’ (2 AbaKolinto 1:3, 4; AbaLoma 15:4) Balilaile ukumupeeleni mwebo “ubutende bwa baLesa, ubukango’kwishibwa konse.”—AbaFilipoi 4:6, 7, 13.
IFI MUNGACITA:
-
Tembeleni kuli baYehova pakweba ati mutekanye ne kulangulukapo bwino pa fyamucitikileni
-
Pitulukenimo muli fyonse ifimulukulanguluka ukucita eli musalululepo inshila iingelelwa
2 MULILAME BWINO MWEBENE NE CISOOLO CENU
IFI BAIBOLO ILABILA: “Umutima waucenjele ulaba ne kwishiba, Kabili ukutwi kwa wa mano kulafwaya-fwaya ukwishiba.” (Ifisimpi 18:15) Ishibeni fyonse lukoso. Ishibeni ifi onse uwa mucisoolo cenu alukupengela. Labileni nabo. Kutikeni kuli ili balukulabila.—Ifisimpi 20:5.
Nga kani umukwabenu afwa? Teshi ukutiina ukulangisha ifimulukumfwa. Anukeni ukweba ati nangaba ni “baYesu balukulila.” (Yoane 11:35; Uwakutulisha 3:4) Mulukutusha makosa kabili ukulala nako kucindeme. (Uwakutulisha 4:6) Ici cingalenga capubako ukukoselela mu fyakukatasha mulukupitamo.
IFI MUNGACITA:
-
Pa mpindi tamukwetepo ifyakukatasha, lyonse mulukwambaalako ne bakwabenu. Ili mukaba ne fyakukatasha cikabapubila ukulabila na mwebo
-
Labileniko ne bantu bambi abapitilepo mukukatashiwa kuntu kumo
3 POKELELENI UKOFWEWA MULUKUPENGELA
IFI BAIBOLO ILABILA: ‘Icibusa cilatemwa impindi shonse, kabili umukwanu alafyalwa pa mpindi ya kupenga.’ (Ifisimpi 17:17) Ababyenu bangafwaya ukumofweniko, pano cipale tekuti beshibepo ifyakucita. Babuulishisheni ifyebo ifi mulukupengela ukucita. (Ifisimpi 12:25) Nakabili, lekeni ukweba ati abo abeshi bwino ifya baLesa bomofweniko mu fya baLesa. Ifibangamubuuleniko ukufuma mu Baibolo fingaba ifyakumofweniko.—Jakobo 5:14.
IFI MUNGACITA:
-
Labileni ku cibusa icipalamishe kabili lekeni amofweniko
-
Labileni apaswetele ifi mulukupengela