Уӕ иумӕйаг амондыл цасфӕнды ма фыдӕбон кӕнат, уӕддӕр исты ӕнӕнхъӕлӕджы хабары тыххӕй, гӕнӕн ис, уӕ цин хъыгмӕ раива (Екклесиаст 9:11). Зын уавӕры куы бахауӕм, уӕд нын Хуыцау баххуыс кӕны, уымӕн ӕмӕ нӕ бирӕ уарзы. Дарддӕр Библийӕ цы уагӕвӕрдтӕм ӕркӕсдзыстӕм, уыдонмӕ гӕсгӕ куы архайат, уӕд уӕ бинонтӕ цыфӕнды зындзинӕдтӕ дӕр сфӕраздзысты.

БИБЛИЙЫ ЦЫ ФЫСТ ИС? «Уе ’ппӕт сагъӕстӕ дӕр Хуыцауы бар бакӕнут, уымӕн ӕмӕ уый тыхсы сымахыл» (1 Петры 5:7). Иу хъуыддаг макуы рох кӕн: уӕ бӕллӕхты Хуыцау нӕу аххосджын (Иаковы 1:13). Хуыцаумӕ куы ӕввахсдӕр кӕнай, уӕд дын баххуыс кӕндзӕн, ӕнхъӕл дӕр куыд нӕ дӕ, афтӕ (Исай 41:10). Псалом 62:8 стихы фыст ис: «Ӕргом ын кӕнут уӕ зӕрдӕтӕ».

Удӕнцойы хос ма дын уыдзӕн, Библи алы бон дӕр куы кӕсай ӕмӕ йӕ куы ахуыр кӕнай. Афтӕмӕй дӕхиуыл бавзардзынӕ, Йегъовӕ нын «удӕнцой [куыд] дӕтты не ’ппӕт зындзинӕдты дӕр» (2 Коринфӕгтӕм 1:3, 4; Ромӕгтӕм 15:4). Хуыцау зӕрдӕ ’вӕры, кӕй уӕ схайджын кӕндзӕн йӕ фарнӕй, «зонд кӕуыл не ’ххӕссы, уыцы фарнӕй» (Филиппӕгтӕм 4:6, 7, 13).

ЦЫ ИС САРАЗӔН?

• Йегъовӕмӕ-иу кув, цӕмӕй ма тыхсай ӕмӕ уӕззау зондӕй архайай.

• Цы саразӕн ис, ууыл-иу ахъуыды кӕн ӕмӕ, дӕ уавӕры хуыздӕр куыд уыдзӕн, афтӕ-иу бакӕн.

БИБЛИЙЫ ЦЫ ФЫСТ ИС? «Ӕмбаргӕ адӕймаджы зӕрдӕ самал кӕны зонындзинӕдтӕ, ӕмӕ зондджыны хъус дӕр зонындзинӕдтӕ агуры» (Ӕмбисӕндтӕ 18:15). Хабӕрттӕ-иу бӕстон базон. Базон-иу, дӕ бинонтӕй чи цӕуыл тыхсы, уый. Семӕ-иу ныхас кӕн. Лӕмбынӕг-иу сӕм хъус (Ӕмбисӕндтӕ 20:5).

Зӕгъӕм, кӕй уарзыс, уыцы адӕмӕй чидӕр амард. Кӕй хъыг кӕныс, уый ӕвдисын-иу ма ӕфсӕрмы кӕн. Рох дӕ ма уӕд, суанг ма Йесойӕн дӕр йӕ цӕссыгтӕ кӕй ӕркалдысты (Иоанны 11:35; Екклесиаст 3:4). Ӕнӕмӕнг ма у, цӕмӕй фаг улӕфай ӕмӕ фынӕй кӕнай (Екклесиаст 4:6). Уый фӕрцы дын дӕ зын уавӕр сфӕразын ӕнцондӕр уыдзӕн.

ЦЫ ИС САРАЗӔН?

• Дӕ бинонтимӕ арӕх ныхас кӕн, ӕмӕ стӕй исты бӕллӕх куы ’рцӕуа, уӕд сын демӕ ныхас кӕнын ӕнцон уыдзӕн.

• Ахӕм хабар ма кӕуыл ӕрцыд, уыдонимӕ-иу аныхас кӕн.

БИБЛИЙЫ ЦЫ ФЫСТ ИС? «Ӕцӕг ӕмбал алкӕддӕр уарзы. Уый у, зын сахат адӕймаджы фарсмӕ ӕрбалӕууынӕн чи райгуыры, ахӕм ӕфсымӕр» (Ӕмбисӕндтӕ 17:17). Де ’мбӕлтты фӕнды, цӕмӕй дын баххуыс кӕной, фӕлӕ дын куыд баххуыс кӕной, уый, гӕнӕн ис, ӕмӕ нӕ зонынц. Цавӕр ӕххуыс дӕ хъӕуы, уый-иу сын ӕргом зӕгъ (Ӕмбисӕндтӕ 12:25). Уымӕй уӕлдай ӕххуыс агур, Библи хорз чи ӕмбары, ахӕм адӕмӕй. Библийӕ дын цы уынаффӕтӕ раттой, уыдон дын стыр ӕххуыс фӕуыдзысты (Иаковы 5:14).

Хуыцауыл чи ӕууӕнды ӕмӕ йын йӕ зӕрдӕвӕрдтыл йӕ ныфс чи дары, уыцы адӕмыл дӕхи куы бӕттай, уӕд, зын сахат дӕ фарсмӕ чи балӕууа, уый уыдзӕн. Ныфссаст чи у, уыдонӕн куы ӕххуыс кӕнай, уӕд уый дӕхицӕн дӕр ӕнцойдзинад хӕсдзӕн. Дӕ уырнындзинад ӕмӕ сын Йегъовӕйы зӕрдӕвӕрдты тыххӕй дзур. Ӕххуысхъуаг чи у, уыдоны фарсмӕ-иу балӕуу ӕмӕ дӕ чи уарзы ӕмӕ дыл чи тыхсы, уыдонӕй дӕхи иуварс ма лас (Ӕмбисӕндтӕ 18:1; 1 Коринфӕгтӕм 15:58).

ЦЫ ИС САРАЗӔН?

• Де ’ввахс ӕмбалимӕ аныхас кӕн ӕмӕ-иу ын йе ’ххуысыл сразы у.

• Цавӕр ӕххуыс дӕ хъӕуы, уый-иу ӕргом зӕгъ.