ბედნერ ოჯახიქ ქუგაღვენუანინ თიშ გურშენ შილებე თქვა ირფელს ორთუდათ, მარა ველუთინ ფერ პრობლემაქ დუდის ქიგგოტირხეს-და, შილებე ხიოლქ მეიდინან (ეკლესიასტე 9:11). პრობლემეფიშ დროს მოჸოროფე ღორონთი მოხვარნა. თუდო მოჩამილ ბიბლიურ პრინციპეფს გეგმირინუანთ-და, თქვა დო თქვან ოჯახის შეგალებენა დიდ სირთულეეფს ხოლო მერუათ.

მუს იჩიებ ბიბლია: „არძა თქვან ოჭირებელ თის მიანდით, მუშენდა თინა ზრუნენს თქვანო“ (1 პეტრე 5:7). ირო რშუდან, ნამდა თქვან პრობლემეფი ღორონთიშ ბრალ ვა რე (იაკობი 1:13). თიწკუმა ხოლოს ქიჸუაფუთ-და, თინა არძაშ უჯგუშო მიგეხვარებნა (ესაია 41:10). ბიბლიას პკითხულენთ: „გურ გეგნუფაჩით თის“ (ფსალმუნი 62:8).

ბიბლიაშ ირ დღაშიან კითხირ დო გურაფა ხოლო გურშა ელაიკინანა. თქვა ქიგინანთ, ნამდა იეჰოვა ირნერ გაჭირებაშ დროს ელაირენა (2 კორინთელები 1:3, 4; რომაელები 15:4). თინა მოპირნა, ნამდა ქომჩანა „მშვიდობას, ნამუთ ირნერ აზრიშე უმოს რე“ (ფილიპელები 4:6, 7, 13).

მუ ოკო ქიმინათ:

• ქილოცით დო ქოთხით იეჰოვას, ქიმერჩან სიმშვიდე დო სწორ აზროვნება.

• პრობლემეფიშ გინაჭკირალო არძაშ უჯგუშ შარა გეგშეგორით.

მუს იჩიებ ბიბლია: „მიდგას გაგება შეულებუნ, თიშ გურ რჩქინას ღებულენს, ბრძენიშ ჸუჯის რჩქინაშ მეღებაშა შურ ოლუ“ (იგავები 18:15). ჯგირო ქიდიგურეთ სიტუაცია. ქიგეგით, მუ ოსაჭირ ოჯახიშ თითოულ წევრის. ქუდურაგადეთ დო ქუმურჩქილეთ თინეფს (იგავები 20:5).

საჸოროფო კოჩიქ დოიღურეს-და, თქვან გურჭუა გურშა ვენიჸვილათ. ვაგგოჭყორდან, ნამდა იესოს ხოლო ქელაჸუნ ჩილამურქ (იოანე 11:35; ეკლესიასტე 3:4). თე დროს აუცილებერ რე მოსვანჯა დო დორულაფა (ეკლესიასტე 4:6). თეგვარო თქვა უმოს ადვილო გეგნიღანთ თე გაჭირებას.

მუ ოკო ქიმინათ:

• სოიშახ ველუთინ ფერ პრობლემაშ წოხოლე გედირთუდათინ, თეიშახ ოკო გიღუდან ხოლოშიან ურთიერთობა ოჯახიშ წევრეფწკუმა. თაშ უმოს ადვილ იჸუაფ თინეფშო პრობლემეფიშ დროს ქელაიდირთან.

• ქუდურაგადეთ თინეფს, მიდგას თქვა გიღუნან ფერ პრობლემეფი უღუდეს.

მუს იჩიებ ბიბლია: „ნამდვილ მეგობარი ირო მოჸოროფე რე; თინა გაჭირებაშო დაბადებულ ჯიმა რე“ (იგავები 17:17). მუშო ოკო რაგადი, თქვან მეგობრეფს ოკონა ირიათო თქვან გვერდით რდან, მარა შილებე ვა უჩქუნა მუჭო მიგეხვარან. ვამუმორდებუათ დო პირდაპირ ქოუწით, მუ გოსაჭირნან (იგავები 12:25). სულიერო მოხვარა ქუგოსაჭირნა-და, ქოთხით თინეფს, მიდგას ბიბლია ჯგირო უჩქუ. მუდგას თინეფ ბიბლიაშე ელაიჩანან, თქვან საჯგირობუოთ იჸი (იაკობი 5:14).

პრობლემეფიშ დროს დუდის ხვალახეთ ვეგინანთ, მუჟამსით ხშირას იჸუაფუთ თინეფწკუმა, მიდგას წანს ღორონთი დო ონდუ თიშ დუნაპირებუს. თინა ხოლო მოიკათუანა ჭყანას, თქვან ელარინა ოსაჭირნან თინეფს ქიმახვარებუთ-და. ეჩით თინეფს თქვან ზეციერ მუმაშენ, იეჰოვაშენ დო თიშენ, მუთ თის ულამუნ. ირიათო ქუმკაჯინით გაჭირებას რენან თინეფს დო ვატყობათ მიდგას უჸორთ დო მით თქვანო ზრუნენსინ (იგავები 18:1; 1 კორინთელები 15:58).

მუ ოკო ქიმინათ:

• ქუდურაგადეთ ხოლოშიან მეგობარს დო მოხვარაშ უფლება ქიმეჩით.

• რდათ გურგონწყუმილ დო ქოუწით კონკრეტულო მუ გოსაჭირნა.