Kansion 137
Ikdan Mo Kami na Pakpel
-
Legan mi ya ipupulong
so maong a balita,
Amayamay so mamagyaw,
manbalaw tan onsumpa.
Agmi ’raya takotan,
Sikay nepeg min unoren.
Tulongan kami O Jehova;
Pikakasi mi dengelen.
(KORO)
Ikdan mo kami na pakpel
Tan biskeg na linawa,
Pian nalabanay takot mi,
Ngaran moy nipaamta.
Asingger lay Armagedon,
Anggad wala ni panaon,
Ikdan mo kami na pakpel
ya manpulong.
-
Amta mi ya no maminsan,
say pakpel mi onkulang.
Lanang ya wadtay suportam,
Matalek kamid satan.
O Ama, imanom pay
pamapagyaw na kalaban.
Komon mansiansia so pakpel min
mangipulong ed Panarian.
(KORO)
Ikdan mo kami na pakpel
Tan biskeg na linawa,
Pian nalabanay takot mi,
Ngaran moy nipaamta.
Asingger lay Armagedon,
Anggad wala ni panaon,
Ikdan mo kami na pakpel
ya manpulong.
(Nengnengen met so 1 Tes. 2:2; Heb. 10:35.)
