Kʼaay 142
Predicart u tʼaan Dios tiʼ tuláakal máak
-
Jach kʼaʼabéet k-yaabiltik tuláakal máak,
tumen ku kiʼimakkúunsik yóol Jéeoba.
Letiʼeʼ mantatsʼ ku yeʼesik yaabilaj;
mix máak jelaʼan tu táan Yuumtsil Jéeoba.
(CORO)
Dioseʼ jach u yaabiltmaj
máax ku náatsʼal tu yiknal.
Letiʼeʼ sen uts, mix máak xan u pʼekmaj.
Yoʼolelaʼ k-bin predicar,
k-aʼalik tiʼ tuláakal máak:
«Dioseʼ u kʼáat ka náatsʼkech tu yiknal».
-
Kex ka tukult maʼ ken u yuʼubecheʼ,
jach ilawil bix jeʼel a wáantikeʼ.
Dioseʼ mix máak jelaʼan bix u paktik,
letiʼeʼ mantatsʼ ku yeʼesik u yutsil.
(CORO)
Dioseʼ jach u yaabiltmaj
máax ku náatsʼal tu yiknal.
Letiʼeʼ sen uts, mix máak xan u pʼekmaj.
Yoʼolelaʼ k-bin predicar,
k-aʼalik tiʼ tuláakal máak:
«Dioseʼ u kʼáat ka náatsʼkech tu yiknal».
-
Ku kiʼimaktal u yóol Yuumtsil Jéeoba
ken káajak u kʼexik u modos máak.
Toʼoneʼ k-kʼáat áant u jejeláasil máak,
le oʼolaleʼ mantatsʼ k-bin predicar.
(CORO)
Dioseʼ jach u yaabiltmaj
máax ku náatsʼal tu yiknal.
Letiʼeʼ sen uts, mix máak xan u pʼekmaj.
Yoʼolelaʼ k-bin predicar,
k-aʼalik tiʼ tuláakal máak:
«Dioseʼ u kʼáat ka náatsʼkech tu yiknal».
(Ilaʼak xan Juan 12:32; Bax. 10:34; 1 Tim. 4:10; Tito 2:11.)
