4-تاراۋ
تۇرمىسقا شىقپاعان ٴماريام جۇكتى
-
ٴجۇسىپ ٴماريامنىڭ جۇكتى ەكەنىن ٴبىلدى
-
ٴماريام جۇسىپكە تۇرمىسقا شىقتى
ٴماريامنىڭ بالا كوتەرگەنىنە ٴتورت اي بولدى. جۇكتىلىگىنىڭ العاشقى ٷش ايى ياھۋدەيانىڭ سولتۇستىگىندە تۇراتىن تۋىسى ەلىزابەتتىڭ قاسىندا ٶتتى. قازىر ول نازارەتتەگى ٶز ۇيىندە. كوپ ۇزاماي ٸشى ٴبىلىنىپ، جۇرتقا ماسقارا بولعالى تۇر. ونىڭ قانداي كۇي كەشكەنىن ويلاپ كورىڭىزشى!
ونىڭ ۇستىنە،ٴماريامنىڭ جۇسىپپەن ٴسوز بايلاسقانى دا جاعدايدى ۋشىقتىردى. ويتكەنى مۇسا زاڭى بويىنشا، اتاستىرىلعان قىز باسقا بىرەۋمەن جاقىنداسسا، ونى تاسپەن ۇرىپ ٶلتىرۋ كەرەك بولعان (مۇسانىڭ 5-جازباسى 22:23، 24). مۇنى ٴماريام جاقسى بىلەدى. الايدا ازعىندىق جاساماسا دا، جۇكتى بولعانىن جۇسىپكە قالاي تۇسىندىرمەك؟ ول مۇنى قالاي قابىلدار ەكەن؟
ٴجۇسىپ ٷش اي بويى شالعايدا جۇرگەن ٴماريامدى قاتتى ساعىنسا كەرەك. ەكەۋى كەزدەسكەندە، ٴماريام وعان قۇدايدىڭ كيەلى رۋحىنىڭ قۇدىرەتىمەن جۇكتى بولعانىن تۇسىندىرۋگە تىرىستى. ٴبىراق جۇسىپكە مۇنى ۇعىنۋ دا، بۇعان سەنۋ دە وتە قيىن بولعانى ايتپاسا دا بەلگىلى.
ٴجۇسىپ ٴماريامنىڭ جۇرتقا سىيلى جاقسى قىز ەكەنىن بىلەتىن ٵرى ونى شىن سۇيەتىن. ٴبىراق ٴماريام نە ايتسا دا، ٴجۇسىپ ونى باسقا بىرەۋدەن جۇكتى بولدى دەپ ويلادى. سوندا دا ونىڭ ٶلىم جازاسىنا كەسىلگەنىن نە ەل-جۇرتقا ماسقارا بولعانىن قالامادى. سوندىقتان ونىمەن جاسىرىن تۇردە، ياعني ىڭ-شىڭسىز اجىراسۋدى شەشتى. سول زاماندا اتاستىرىلعان قىز بەن جىگىت ەرلى-زايىپتى دەپ ەسەپتەلەتىن، سوندىقتان ۋادەنى بۇزۋ ٷشىن ولار اجىراسۋ كەرەك بولعان.
ٴجۇسىپ وسى جايتتاردى ويلاپ جاتىپ، ۇيىقتاپ كەتتى. تۇسىندە وعان ەحوبانىڭ پەرىشتەسى كورىنىپ: ماتاي 1:20، 21).
«ايەلىڭ ٴماريامدى ۇيىڭە الىپ كەلۋگە قورىقپا! ويتكەنى ول كيەلى رۋحتىڭ قۇدىرەتىمەن جۇكتى بولدى. ول ۇل تابادى، سەن ونىڭ اتىن يسا دەپ قوي. سەبەبى ول ٶز حالقىن كۇنالارىنان قۇتقاراتىن بولادى»،— دەدى (ۇيقىدان ويانعان ٴجۇسىپتىڭ كۇدىگى سەيىلىپ، ماسەلەنىڭ باسى اشىلعاندا، ونىڭ ريزا بولعانى ٴسوزسىز! سودان ول كىدىرمەستەن پەرىشتەنىڭ ايتقانىن ورىنداپ، ٴماريامدى ۇيىنە الىپ كەلدى. قالىڭدىقتى ۇيگە الىپ كەلۋ نەكەلەسۋ ٴراسىمى بولىپ ەسەپتەلگەندىكتەن، ٴجۇسىپ پەن ٴماريام جۇرت الدىندا ەرلى-زايىپتى بولدى. ٴبىراق يسا تۋىلعانشا ٴجۇسىپ مارياممەن جاقىنداسقان جوق.
بىرنەشە ايدان كەيىن ٴجۇسىپ جانە بوسانۋعا اي-كۇنى جاقىنداعان ٴماريام نازارەتتەن كەتۋگە دايىندالدى.ٴماريامنىڭ بوساناتىن ۋاقىتى تاياپ قالعاندا، ولار نەگە جول جۇرمەكشى؟