17-تاراۋ
يسا نىكودەمگە ٴتالىم بەردى
-
يسا نىكودەممەن سويلەستى
-
«قايتا تۋىلۋ» دەگەن نەنى بىلدىرەدى؟
ب. ز. 30-جىلى يەرۋساليمدە قۇتقارىلۋ مەيرامىن تويلاۋعا كەلگەندە، يسا كەرەمەتتەر جاسادى. ناتيجەسىندە، كوپ ادام وعان سەندى. پارىزشىل ٵرى ياھۋديلەردىڭ جوعارعى كەڭەس مۇشەسى نىكودەم دە قاتتى اسەر الدى. سودان ول كوبىرەك ٴبىلۋ ٷشىن، ٴتۇن جامىلىپ يساعا كەلدى. وسىعان قاراعاندا، ول ياھۋدي باسشىلارىنىڭ الدىنداعى بەدەلىنە نۇقسان كەلتىرۋدەن قورىقسا كەرەك.
«ۇستاز،— دەدى نىكودەم، — ٴسىزدىڭ قۇدايدان كەلگەن تالىمگەر ەكەنىڭىزدى بىلەمىز، سەبەبى ٴسىز جاسايتىن كەرەمەتتەردى قۇدايدىڭ قولداۋىنسىز ەشكىم جاساي المايدى». سوندا يسا وعان قۇداي پاتشالىعىنا كىرۋ ٷشىن ادام «قايتا تۋىلۋ» قاجەت ەكەنىن ايتتى (جوحان 3:2، 3).
سوندا ەسەيگەن ادام قالايشا قايتا تۋىلماق؟ مۇنى نىكودەم دە تۇسىنبەي: «شەشەسىنىڭ قۇرساعىنا ەنىپ، ەكىنشى رەت تۋىلۋى مۇمكىن بە؟»— دەپ سۇرادى (جوحان 3:4).
يسا تۋرا ماعىناداعى قايتا تۋىلۋدى ايتقان جوق. سوندىقتان ول: «ساعان ناعىز شىندىقتى ايتامىن، كىمدە-كىم سۋدان جانە كيەلى رۋحتان تۋىلماسا، قۇداي پاتشالىعىنا كىرە المايدى»،— دەپ ٴتۇسىندىردى (جوحان 3:5). يسا شومىلدىرۋ راسىمىنەن ٶتىپ، وعان كيەلى رۋح قونعاندا، ول «سۋدان جانە كيەلى رۋحتان» تۋىلعان بولاتىن. سول كەزدە كوكتەن: «بۇل — مەنىڭ سۇيىكتى ۇلىم. مەن وعان ريزامىن»،— دەگەن داۋىس شىققان ەدى (ماتاي 3:16، 17). وسىلايشا قۇداي يسانىڭ رۋحاني ۇلى رەتىندە تۋىلعانىن جانە ونىڭ كوكتەگى پاتشالىققا كىرۋ ۇمىتىنە يە بولعانىن حابارلادى. ب. ز. 33-جىلىنىڭ ەلۋىنشى كۇن مەيرامىندا كيەلى رۋح شومىلدىرۋ راسىمىنەن وتكەن باسقا ادامدارعا قونىپ، ولار دا قۇدايدىڭ بالالارى رەتىندە كيەلى رۋحتان قايتا تۋىلدى (ەلشىلەردىڭ ىستەرى 2:1—4).
ٴبىراق نىكودەمگە يسانىڭ پاتشالىق جايلى ايتقاندارىن ٴتۇسىنۋ قيىن بولدى. سوندىقتان يسا قۇدايدىڭ ادامي ۇلى رەتىندەگى ەرەكشە قىزمەتى جايلى ارى قاراي ٴتۇسىندىرىپ: «ٴشول دالادا مۇسانىڭ جىلاندى جوعارى كوتەرىپ قويعانىنداي، ادام ۇلى دا جوعارى كوتەرىلىپ قويىلۋى ٴتيىس. سوندا وعان سەنگەن اركىم ماڭگىلىك ومىرگە يە بولادى»،— دەدى (جوحان 3:14، 15).
ەجەلدە يسرايلدىكتەردى ۋلى جىلان شاعىپ العاندا، امان قالۋ ٷشىن، ولار مىس جىلانعا قاراۋ كەرەك ەدى (مۇسانىڭ 4-جازباسى 21:9). تاپ سولاي، ادامزات ولىمگە دۋشار ەتەتىن كۇيدەن ارىلىپ، ماڭگى ٶمىر ٴسۇرۋ ٷشىن، قۇداي ۇلىنا سەنۋلەرى كەرەك. ەحوبانىڭ وسى شاراسىنا باسا نازار اۋدارىپ، يسا نىكودەمگە: «قۇداي ادامزاتتى سونداي قاتتى سۇيگەندىكتەن، ٶزىنىڭ جالعىز ۇلىن قۇربان ەتتى. ەندى وعان سەنگەن اركىم جويىلماي، ماڭگىلىك ومىرگە يە بولا الادى»،— دەدى (جوحان 3:16). وسىلايشا يسا قىزمەتىنىڭ التىنشى ايىندا ٶزىنىڭ ادامزاتتى قۇتقارۋعا جىبەرىلگەنىن اشىق ٴبىلدىردى.
سوسىن يسا نىكودەمگە «قۇداي ٶز ۇلىن دۇنيەنى سوتتاۋعا جىبەرمەگەنىن» ايتتى. دەمەك، يسا ادامزاتتى ولىمگە كەسۋ ٷشىن سوتتاۋعا جىبەرىلگەن جوق. كەرىسىنشە، ول «دۇنيەنى قۇتقارۋ ٷشىن» جىبەرىلدى (جوحان 3:17).
نىكودەم يساعا ٴتۇن جامىلىپ كەلگەن. سول سەبەپتى يسانىڭ ٴتالىمىن كەلەسى سوزدەرمەن اياقتاعانى كوڭىل قويارلىق: «سوت مىناعان نەگىزدەلەدى: دۇنيەگە جارىق [ياعني يسانىڭ ٶمىرى مەن ٴتالىمى] كەلدى، ٴبىراق ادامدار جارىقتان گورى جوحان 3:19—21).
تۇنەكتى جاقسى كوردى، سەبەبى ولاردىڭ ىستەرى زۇلىم ەدى. زۇلىمدىق ىستەيتىن ادام جارىقتى جەك كورەدى، ٵرى ىستەرى اشكەرەلەنبەۋ ٷشىن وعان جولامايدى. ال ٵدىل ارەكەت ەتەتىن ادام ىستەرىنىڭ قۇداي ەركىنە ساي ەكەنى پاش ەتىلۋ ٷشىن جارىققا كەلەدى» (پارىزشىل ٵرى يسرايلدىڭ تالىمگەرى نىكودەم يسانىڭ قۇداي نيەتىندەگى رولى جايلى ەستىگەن وسى سوزدەردىڭ ۇستىنەن ەندى ٶزى وي جۇگىرتۋى كەرەك.