Yâ ti Nazareth ayengi. Jésus ayeke lani mbeni charpentier na Nazareth kozo si lo gue ti tene Jean abatize lo, a sara ngu oko tongaso awe. Me ti fadeso, a hinga lo tongana mbeni zo so ayeke sara amiracle. Azo ti kodro ni ayeke tâ na nzara ti bâ Jésus na sarango amiracle na lê ti ala.

Nzara ti ala ni akiri akono na ngoi so Jésus ague na synagogue ti kodoro ni tongana ti so lo yeke sara ka. A yeke sambela na a yeke diko ambeni mbeti so Moïse asû “na yâ ti asynagogue na lango ti sabbat oko oko kue.” (Kusala 15:21). A yeke diko nga ambeni buku ti Bible so asara tënë ti aprophétie. Tongana Jésus alondo ti diko mbeti, peut-être lo doit ti hinga lê ti azo mingi so ayeke na yâ ti synagogue ni, ndali ti so depuis la lo yeke ga ka ge so. A ngbâ a mû na lo rouleau ti mbeti ti prophète Ésaïe. Lo gi na yâ ni place so a sara tënë ti Zo so Jéhovah asoro lo na lege ti yingo vulu. E yeke wara tënë so laso na Ésaïe 61:1, 2.

Jésus adiko mbage so a fa tongana nyen la Zo ni so ayeke fa ande tënë ti liberté na angbâa, tongana nyen la Zo ni so ayeke fa na awaziba so ala yeke kiri ande ti bâ ndo, nga tongana nyen la lo yeke fa ande tënë ti ngu so na yâ ni Jéhovah ayeke sara ande nzoni na azo. Jésus akiri na rouleau ni na zo so amû ni na lo, na lo duti. Lê ti azo kue abâ gi lo. Na pekoni, lo sara mbeni tënë so peut-être aninga kete, na so na yâ ni lo tene: “Laso, tënë ti Mbeti ti Nzapa so ala londo ti mä so aga tâ tënë awe.”—Luc 4:21.

Li ti azo akpe tongana ala mä “apendere tënë so ayeke sigi na yanga ti lo,” na ala yeke tene na popo ti ala atene: “So molenge ti Joseph la ape?” Me teti so Jésus ahinga so ala ye gi ti bâ lo na sarango amiracle tongana ti so ala yeke mä ka, lo ngbâ lo tene na ala, lo tene: “Ala yeke mû tënë so azo ayeke tene ka so ti tene na ndo ti mbi: ‘Docteur, mo sava kobela ti mo wani. Aye so mo sara na Capernaüm si e mä tënë ni so, sara ni nga na yâ ti kodro ti mo ge si.’” (Luc 4:22, 23). Ti azo ti Nazareth, Jésus adoit fade ti komanse ti sava azo kozoni na kodro ti lo ge, ndali ti nzoni ti azo ni. Ni la, peut-être ala pensé ti ala so Jésus abâ ala na nene ni ape.

Na bango so ala yeke pensé tongaso, Jésus afa ambeni ye so asi na yâ ti mbaï ti Israël. Lo fa so, na ngoi ti prophète Élie, wali-mua asi singo na Israël, me a tokua Élie na mbage ti ala ape. Nde na so, Élie ague na mbage ti mbeni wali-mua ti kodro ti Zaréphath, so ayeke nduru na kodro ti Sidon; na kâ, Élie asara miracle (1 aGbia 17:8-16). Nga na ngoi ti Élisée, azo ti buruma asi singo na Israël, me prophète ni asava gi Naaman, so ayeke zo ti Syrie.—2 aGbia 5:1, 8-14.

Ambaï ni so afa tongana nyen la azo ti kodro ti Jésus ayeke azo so aye gi intérêt ti ala wani nga so mabe amanke ala. Me, ala sara ye tongana nyen tongana ala mä yâ ti tënë ni tongaso? Azo ti synagogue ni asara ngonzo na ala gboto Jésus na loro ti gue na lo na gigi ti gbata ni. Ala gue na lo na ndo ti hoto so a leke gbata ti Nazareth dä, ti tene ala tara ti pusu lo na li ni kâ si lo tï na sese. Me Jésus akpe zê na maboko ti ala. Na pekoni, Jésus ague na Capernaüm, mbeni gbata so ayeke na mbage ti nord-ouest ti yanga ti Ngu ti Galilée.