ISI NKE 37
Jizọs Akpọlite Nwa Otu Nwaanyị Di Ya Nwụrụ
-
JIZỌS AKPỌLITE MMADỤ N’ỌNWỤ N’OBODO NEN
Obere oge Jizọs gwọchara onye ahụ na-ejere otu onyeisi ndị agha ozi, Jizọs si na Kapaniọm gbadawa obodo Nen, nke dị kilomita iri atọ na abụọ ma e si Kapaniọm gawa ya. Ọ bụghị naanị ya gawara. Ndị na-eso ụzọ ya na ìgwè mmadụ so ya. O yiri ka ọ̀ bụ ná mgbede ka ha rutere ná mpụga obodo Nen. Mgbe ha ruru ebe ahụ, ha hụrụ ọtụtụ ndị Juu na-aga ili ozu. Ha si n’ime obodo buru ozu otu nwa okorobịa na-aga ka ha lie ya.
Onye kacha eru uju n’ime ha bụ nne nwa okorobịa ahụ. Ọ bụ nwaanyị di ya nwụrụ, ugbu a kwa, naanị otu mkpụrụ nwa o nwere anwụọla. Mgbe di ya nwụrụ, ma ọ́ dịghị ihe ọzọ, ya na nwa ya nwoke ọ hụrụ n’anya ka nọ. Chegodị otú nwa ya nwoke a si dịrị ya n’obi n’ihi na ọ bụ ya bụ olileanya o nwere. Ugbu a, nwa a anwụọkwala. Ònyezi ka ya na nwaanyị a ga na-anọ, ònyekwa ga na-enyere ya aka?
Mgbe Jizọs hụrụ nwaanyị a, oké mwute nwaanyị a nọ na ya na uju ọ na-eru wutere ya. Jizọs weturu obi ma gwa nwaanyị ahụ okwu mesiri ya obi ike. Ọ sịrị ya: “Kwụsị ịkwa ákwá.” Ọ bụghị naanị okwu ka Jizọs kwuru. Ọ garuru nso bitụ ihe e ji buru ozu nwa okorobịa ahụ aka. (Luk 7:13, 14) Otú o si mee ihe ahụ mere ka ndị ahụ bu ozu na ndị ha na ha so kwụsị ozugbo. Ọtụtụ ndị ga na-eche ihe ihe a o mere pụtara nakwa ihe ọ na-aga ime.
Gịnịkwanụ banyere ndị ahụ ha na Jizọs so, ndị hụrụla ka ọ na-arụ ọtụtụ ọrụ ebube, na-agwọkwa ọrịa dị iche iche? O nwere ike ịbụ na ha ahụtụbeghị Jizọs ka ọ kpọlitere mmadụ n’ọnwụ. Ọ bụ eziokwu na e nweela ndị a kpọlitere n’ọnwụ n’oge dị anya gara aga, ma Jizọs ọ̀ ga-emeli ụdị ihe ahụ? (1 Ndị Eze 17:17-23; 2 Ndị Eze 4:32-37) Jizọs kwuru n’olu dara ụda, sị: “Nwa okorobịa, ana m asị gị, Bilie!” (Luk 7:14) Ihe ahụ o kwuru mekwara. Nwoke ahụ nọọrọ ọdụ ma malite ikwu okwu. Ihe a tụrụ nne ya n’anya, obi abụrụkwa ya sọ aṅụrị. Jizọs kpọọrọ ya kpọnye nne ya. Nwaanyị ahụ anọghịzi naanị ya.
Luk 7:16) Akụkọ banyere ihe a dị́ ịtụnanya merenụ gazuru obodo ndị dị gburugburu ebe ahụ ozugbo, ma n’obodo Jizọs bụ́ Nazaret, nke dị kilomita iri site n’ebe ahụ. Akụkọ a rutechadịrị Judia dị n’ebe ndịda.
Mgbe ndị mmadụ hụrụ na nwa okorobịa ahụ adịla ndụ n’eziokwu, ụfọdụ malitere ito Jehova Onye Na-enye Ndụ, sị: “E mewo ka onye amụma dị ukwuu bilie n’etiti anyị.” Ndị ọzọ ghọtakwara ihe ọrụ ebube a Jizọs rụrụ pụtara. Ha sịrị: “Chineke echewo ihu ya n’ebe ndị ya nọ.” (Jọn Onye Na-eme Baptizim ka nọkwa n’ụlọ mkpọrọ. Ọ chọkwara ịma banyere ọrụ ndị Jizọs na-arụ. Ndị na-eso ụzọ Jọn kọọrọ ya banyere ọrụ ebube ndị a. Gịnị ka Jọn mere mgbe ọ nụrụ banyere ọrụ ebube ndị a?