ជំពូកទី៣៧
លោកយេស៊ូប្រោសកូនប្រុសស្ត្រីមេម៉ាយម្នាក់ឲ្យរស់ឡើងវិញ
-
ការប្រោសឲ្យរស់ឡើងវិញនៅក្រុងណេអ៊ីន
មិនយូរប៉ុន្មានក្រោយពីលោកយេស៊ូបានធ្វើឲ្យខ្ញុំបម្រើរបស់មេទាហានជាសះស្បើយ លោកបានចាកចេញពីក្រុងកាពើណិម ឆ្ពោះទៅក្រុងណេអ៊ីន។ ក្រុងនោះមានចម្ងាយ៣២គីឡូម៉ែត្រ នៅទិសខាងត្បូងឆៀងខាងលិច។ លោកមិនបានធ្វើដំណើរតែម្នាក់ឯងទេ តែក៏មានពួកអ្នកកាន់តាមលោកនិងមនុស្សមួយក្រុមធំបានទៅជាមួយនឹងលោកដែរ។ ប្រហែលជាពេលល្ងាចហើយ ពេលដែលពួកគេធ្វើដំណើរជិតដល់ផ្លូវចូលក្រុងណេអ៊ីន។ នៅទីនោះពួកគាត់បានប្រទះឃើញជនជាតិយូដាមួយក្រុមធំដែលកំពុងហែសពបុរសម្នាក់ចេញពីក្រុងយកទៅបញ្ចុះ។
ក្នុងចំណោមពួកគេមានស្ត្រីម្នាក់ដែលជាម្ដាយរបស់បុរសនោះ នាងកំពុងសោកសង្រេងខ្លាំងបំផុត។ នាងជាស្ត្រីមេម៉ាយ ហើយឥឡូវកូនប្រុសតែមួយរបស់នាងបានស្លាប់។ ពេលប្ដីនាងស្លាប់ យ៉ាងហោចណាស់នាងនៅមានកូនសំណព្វម្នាក់ដែលនៅជាមួយនឹងនាង។ សូមស្រមៃគិត នាងច្បាស់ជាជិតស្និទ្ធជាមួយនឹងកូននាងខ្លាំងណាស់ ហើយនាងច្បាស់ជាសង្ឃឹមយ៉ាងខ្លាំងទៅលើកូននោះដែលនឹងជួយមើលថែនាង។ ប៉ុន្តែឥឡូវកូននាងស្លាប់ហើយ។ ដូច្នេះ តើមានអ្នកណាដែលនឹងជួយសម្រាលទុក្ខនាង ហើយផ្គត់ផ្គង់នាង?
ពេលលោកយេស៊ូឃើញស្ត្រីនេះ លោកមានចិត្តក្ដួលអាណិត ដោយសារនាងកំពុងកើតទុក្ខនិងសោកសង្រេងយ៉ាងខ្លាំង។ ដូច្នេះ លោកយេស៊ូបានផ្ដល់ទំនុកចិត្តដល់នាង ដោយមានប្រសាសន៍យ៉ាងទន់ភ្លន់និងកក់ក្ដៅថា៖ «ឈប់យំទៅ»។ ប៉ុន្តែ លោកមិនគ្រាន់តែប្រាប់ដូច្នោះទេ លោកបានដើរទៅជិត ហើយពាល់គ្រែស្នែងដែលគេកំពុងសែងសពបុរសនោះទៀតផង។ (លូកា ៧:១៣, ១៤) ពាក្យសម្ដីនិងការប្រព្រឹត្តរបស់លោកបានធ្វើឲ្យក្រុមមនុស្សដែលហែសពនោះឈប់ភ្លាម។ មនុស្សជាច្រើនដែលនៅទីនោះច្បាស់ជាឆ្ងល់ថា ‹តើលោកចង់មានន័យអ្វី ហើយតើលោកបម្រុងនឹងធ្វើអ្វី?›។
ចុះយ៉ាងណាវិញចំពោះពួកអ្នកដែលកំពុងធ្វើដំណើរជាមួយនឹងលោកយេស៊ូ? ពួកគេធ្លាប់ឃើញលោកធ្វើឲ្យមនុស្សជាច្រើនជាសះស្បើយដោយអព្ភូតហេតុ ប៉ុន្តែតាមមើលទៅពួកគេមិនដែលឃើញលោកយេស៊ូប្រោសអ្នកណាម្នាក់ឲ្យរស់ពីស្លាប់ឡើងវិញឡើយ។ ទោះជាការប្រោសមនុស្សស្លាប់ឲ្យរស់ឡើងវិញធ្លាប់កើតឡើងនៅសម័យមុនក្ដី ប៉ុន្តែតើលោកយេស៊ូអាចធ្វើដូច្នោះបានដែរឬទេ? (ពង្សាវតារក្សត្រទី១ ១៧:១៧-២៣; ពង្សាវតារក្សត្រទី២ ៤:៣២-៣៧) លោកយេស៊ូមានប្រសាសន៍ទៅសពនោះថា៖ «អ្នកកំលោះ ខ្ញុំប្រាប់អ្នកថា ចូរក្រោកឡើង!»។ (លូកា ៧:១៤) បុរសនោះក្រោកឡើងមែន! គាត់ក្រោកអង្គុយ ហើយចាប់ផ្ដើមនិយាយ! លោកយេស៊ូបានប្រគល់បុរសនោះឲ្យទៅម្ដាយវិញ។ ម្ដាយនោះភ្ញាក់ផ្អើល ហើយត្រេកអរឥតឧបមា។ ឥឡូវនាងលែងនៅម្នាក់ឯងទៀតហើយ។
ពេលមនុស្សឃើញថាកំលោះនោះពិតជាបានរស់ឡើងវិញមែន ពួកគេសរសើរតម្កើងព្រះយេហូវ៉ាដែលជាអ្នកផ្ដល់ជីវិត ដោយលូកា ៧:១៦) ដំណឹងអំពីការប្រោសឲ្យរស់ឡើងវិញនេះបានឮសុសសាយយ៉ាងលឿនពេញក្រុងណេអ៊ីន ហើយប្រហែលជាឮទៅដល់ក្រុងណាសារ៉ែត ជាកន្លែងដែលលោកយេស៊ូបានធំឡើង ដែលមានចម្ងាយប្រហែលជា១០គីឡូម៉ែត្រពីក្រុងណេអ៊ីន។ ម្យ៉ាងទៀត ដំណឹងនោះបានឮរហូតដល់តំបន់យូឌាដែលស្ថិតនៅភាគខាងត្បូងទៀតផង។
និយាយថា៖ «អ្នកប្រកាសទំនាយម្នាក់ដ៏ឧត្តមបានត្រូវតាំងឡើងក្នុងចំណោមយើង»។ អ្នកខ្លះទៀតបានយល់អត្ថន័យនៃការអស្ចារ្យដែលលោកយេស៊ូបានធ្វើ ដោយនិយាយថា៖ «ព្រះបានអាណិតរាស្ត្ររបស់លោក»។ (យ៉ូហានដែលជាអ្នកជ្រមុជទឹក នៅក្នុងគុកនៅឡើយ ហើយគាត់ចាប់អារម្មណ៍ចង់ដឹងខ្លាំងណាស់អំពីការអស្ចារ្យដែលលោកយេស៊ូបានធ្វើ។ អ្នកកាន់តាមយ៉ូហានប្រាប់គាត់អំពីអព្ភូតហេតុទាំងនោះ។ តើយ៉ូហានមានប្រតិកម្មយ៉ាងណា?