အခန်း ၈၀
သိုးထိန်းကောင်းနဲ့ သိုးခြံတွေ
-
သိုးထိန်းကောင်းနဲ့ သိုးခြံတွေ
ယေရှုက ယုဒနယ်မှာ ဆက်သွန်သင်နေတယ်။ အခု နားထောင်နေသူတွေ အလွယ်တကူ မြင်ယောင်နိုင်တဲ့ သိုးနဲ့ သိုးခြံတွေအကြောင်း ပြောပြတယ်။ ဒါပေမဲ့ ပုံဆောင်သဘောနဲ့ ပြောနေမှန်း ဂျူးတွေ နားလည်နိုင်ကြတယ်။ သူတို့က ဒါဝိဒ်ရဲ့ စကားတွေကို ပြန်အမှတ်ရနေမှာပဲ– “ယေဟောဝါဟာ ငါ့သိုးထိန်းပါ။ လိုလေသေးမရှိ ငါပြည့်စုံနေတာ။ ငါ့ကို စိမ်းစိုတဲ့စားကျက်တွေမှာ နားနေစေတယ်။” (ဆာလံ ၂၃:၁၊ ၂) ဆာလံသီချင်း နောက်တစ်ပုဒ်မှာလည်း ဒါဝိဒ်က “ငါတို့ရဲ့ ဖန်ဆင်းရှင် ယေဟောဝါရှေ့မှာ ဒူးထောက်ကြစို့။ ကိုယ်တော်ဟာ ငါတို့ရဲ့ ဘုရားသခင်ပဲ။ ငါတို့က ဘုရားရဲ့ စားကျက်ထဲက လူတွေ” လို့ အစ္စရေးလူမျိုးကို ဖိတ်ခေါ်ထားတယ်။ (ဆာလံ ၉၅:၆၊ ၇) မှန်ပါတယ်၊ ပညတ်တရားအောက်မှာရှိတဲ့ အစ္စရေးတွေကို ဟိုးအရင်ကတည်းက သိုးအုပ်တစ်အုပ်နဲ့ ခိုင်းနှိုင်းခဲ့တယ်။
အဲဒီ “သိုး” တွေဖြစ်တဲ့ အစ္စရေးလူမျိုးဟာ “သိုးခြံ” ထဲမှာရှိတယ်၊ တစ်နည်းအားဖြင့် မောရှေပညတ် ပဋိညာဉ်အောက်မှာ မွေးဖွားလာတယ်။ ပညတ်တရားက ခြံစည်းရိုးနဲ့ တူတယ်။ အဲဒီပညတ်အောက်မှာမရှိတဲ့ အကျင့်ပျက်လူမျိုးတွေနဲ့ သူတို့ကို ခွဲခြားထားတယ်။ ဒါပေမဲ့ အစ္စရေးတချို့က ဘုရားရဲ့သိုးအုပ်ကို ထိခိုက်နစ်နာအောင် လုပ်ကြတယ်။ ဒါကြောင့် ယေရှုက “ကျွန်တော် မှန်တာကို ပြောမယ်၊ အမှန်အတိုင်း ပြောမယ်။ သိုးခြံထဲကို တံခါးပေါက်ကနေ မဝင်ဘဲ တခြားနေရာကနေ ကျော်ဝင်တဲ့သူဟာ သူခိုးဓားပြပဲ။ သိုးထိန်းမှန်ရင် တံခါးပေါက်ကနေပဲ ဝင်တယ်” လို့ပြောတယ်။—ယောဟန် ၁၀:၁၊ ၂။
ကိုယ့်ကိုယ်ကိုယ် မေရှိယ ဒါမှမဟုတ် ခရစ်တော်ဖြစ်တယ်လို့ ကြွေးကြော်နေသူတွေအကြောင်း လူတွေ စဉ်းစားမိမှာပဲ။ အဲဒီလူတွေက သူခိုးဓားပြနဲ့ တူတယ်။ ဒီလို လှည့်ဖြားသူတွေရဲ့ နောက်ကို လူတွေမလိုက်သင့်ဘူး။ အဲဒီအစား “သိုးထိန်း” နောက်ကိုလိုက်သင့်တယ်။ သိုးထိန်းနဲ့ပတ်သက်ပြီး ယေရှု အခုလိုပြောတယ်–
“သူ့ကို တံခါးစောင့်က တံခါးဖွင့်ပေးတယ်။ သိုးတွေလည်း သူ့အသံကို နားထောင်တယ်။ သူက သိုးတစ်ကောင်စီကို နာမည်နဲ့ခေါ်ပြီး ခြံပြင်ခေါ်ထုတ်တတ်တယ်။ ရှေ့ကနေ ဦးဆောင်ပြီး ခေါ်ထုတ်သွားတဲ့အခါ သိုးတွေဟာ သူ့အသံကိုသိတဲ့အတွက် နောက်ကနေ လိုက်တတ်တယ်။ သူစိမ်းတွေရဲ့အသံကိုတော့ သူတို့မသိတဲ့အတွက် သူစိမ်းနောက်ကို လုံးဝမလိုက်ဘဲ ထွက်ပြေးတတ်တယ်။”—ယောဟန် ၁၀:၃-၅။
အစောပိုင်းမှာ တံခါးစောင့်နဲ့တူတဲ့ နှစ်ခြင်းပေးသူ ယောဟန်က ယေရှုဟာ သိုးထိန်းဖြစ်ကြောင်း ဖော်ပြခဲ့ပြီး ပညတ်တရားအောက်မှာရှိတဲ့ ပုံဆောင်သိုးတွေကို ယေရှုနောက်လိုက်ဖို့ ပြောခဲ့တယ်။ ဂါလိလဲပြည်နဲ့ အခု ယုဒနယ်မှာရှိတဲ့ သိုးတချို့ဟာ ယေရှုရဲ့အသံကို သိကြတယ်။ သူတို့ကို ယေရှု ဘယ်နေရာ “ခေါ်ထုတ်” သွားမလဲ။ သူ့နောက်ကို လိုက်တဲ့အတွက် ဘာအကျိုးရမလဲ။ ဒီဥပမာကို ကြားတဲ့သူတချို့ အဲဒီလို တွေးနေမှာပဲ။ အကြောင်းကတော့ “အဓိပ္ပာယ်ကို သူတို့ နားမလည်ကြ” လို့ပဲ။—ယောဟန် ၁၀:၆။
ဒါကြောင့် ယေရှု အခုလို ရှင်းပြတယ်– “ကျွန်တော် မှန်တာကို ပြောမယ်၊ အမှန်အတိုင်း ပြောမယ်။ ကျွန်တော်ဟာ သိုးတွေဝင်တဲ့ တံခါးပေါက်ပဲ။ ကျွန်တော့်အယောင်ဆောင်ပြီး လာတဲ့သူအားလုံးဟာ သူခိုးဓားပြတွေပဲ။ ဒါပေမဲ့ သူတို့အသံကို သိုးတွေ နားမထောင်ဘူး။ ကျွန်တော်ဟာ တံခါးပေါက်ပါ။ ကျွန်တော့်ဆီကနေ ဝင်တဲ့သူဟာ ကယ်တင်ခံရမယ်။ ဝင်ထွက်သွားလာပြီး စားကျက်ကို တွေ့လိမ့်မယ်။”—ယောဟန် ၁၀:၇-၉။
အကြောင်းအရာအသစ် တစ်ခုကို ယေရှု ပြောပြနေမှန်း ရှင်းနေပါတယ်။ ယေရှုဟာ ရာစုနှစ်ပေါင်းများစွာ တည်ရှိခဲ့တဲ့ ပညတ်ပဋိညာဉ်ရဲ့ တံခါးပေါက်မဟုတ်မှန်း နားထောင်နေသူတွေ သိကြတယ်။ ဒါကြောင့် သူ “ခေါ်ထုတ်” သွားတဲ့ သိုးတွေဟာ တခြားသိုးခြံတစ်ခုကို ဝင်မယ်လို့ ပြောနေတာ။ သူ့နောက်ကို လိုက်တဲ့အတွက် ဘာအကျိုးရမလဲ။
ယေရှုက မိမိရဲ့အခန်းကဏ္ဍနဲ့ ပတ်သက်ပြီး အခုလို ထပ်ရှင်းပြတယ်– “ကျွန်တော်ကတော့ သိုးတွေကို အသက်ရစေဖို့၊ အသက်တာရှည်စေဖို့ လာတယ်။ ကျွန်တော်ဟာ သိုးထိန်းကောင်းပါ။ သိုးထိန်းကောင်းဆိုတာ သိုးတွေအတွက် အသက်စွန့်တယ်။” (ယောဟန် ၁၀:၁၀၊ ၁၁) အစောပိုင်းတုန်းက တပည့်တွေကို “သိုးစုငယ်၊ မကြောက်နဲ့။ အဖဘုရားက ခင်ဗျားတို့ကို နိုင်ငံတော်ပေးဖို့ ဆုံးဖြတ်ပြီးပြီ” လို့နှစ်သိမ့်ပေးခဲ့တယ်။ (လုကာ ၁၂:၃၂) မှန်ပါတယ်၊ ယေရှုက “သိုးစုငယ်” မှာ ပါဝင်သူတွေကို သိုးခြံအသစ်ထဲ ခေါ်ထုတ်သွားပါလိမ့်မယ်။ သူတို့တွေ “အသက်ရစေဖို့၊ အသက်တာရှည်စေဖို့” ဖြစ်တယ်။ သိုးစုငယ်အဝင် ဖြစ်ရတာ တကယ့်ကောင်းချီးပါပဲ။
ယေရှုက ဒီကိစ္စကို ဒီလောက်နဲ့ အဆုံးမသတ်သေးဘဲ “ဒီသိုးခြံထဲကမဟုတ်တဲ့ တခြားသိုးတွေကို ကျွန်တော်ပိုင်သေးတယ်။ ယောဟန် ၁၀:၁၆) “တခြားသိုးတွေ” ဟာ “ဒီသိုးခြံထဲကမဟုတ်” ဘူး။ ဒါကြောင့် သူတို့ဟာ နိုင်ငံတော်အမွေခံရမယ့် “သိုးစုငယ်” ဝင်တဲ့ သိုးခြံထဲက မဟုတ်ဘဲ တခြားသိုးခြံထဲက ဖြစ်ရမယ်။ သိုးခြံနှစ်ခြံရဲ့ အနာဂတ်က မတူဘူး။ ဒါပေမဲ့ သိုးခြံနှစ်ခြံစလုံးမှာရှိတဲ့ သိုးတွေကတော့ ယေရှုရဲ့ အခန်းကဏ္ဍကနေ အကျိုးခံစားရမှာဖြစ်တယ်။ “ကျွန်တော်က အသက်ပြန်ရဖို့ အသက်စွန့်တဲ့အတွက် အဖဘုရားက ကျွန်တော့်ကို ချစ်တယ်” လို့ယေရှုပြောတယ်။—ယောဟန် ၁၀:၁၇။
အဲဒီသိုးတွေကိုလည်း ဦးဆောင်ရမယ်။ သူတို့က ကျွန်တော့်အသံကို နားထောင်တယ်။ ဒါကြောင့် သိုးတစ်အုပ်တည်း၊ သိုးထိန်းတစ်ယောက်တည်း ဖြစ်လိမ့်မယ်” လို့ပြောတယ်။ (ဒီအခါ လူအများစုက “ဒီလူဟာ နတ်ဆိုးပူးနေတဲ့ အရူးပဲ” လို့ပြောတယ်။ တချို့ကျတော့ စိတ်ဝင်တစားနားထောင်ပြီး သိုးထိန်းကောင်းနောက် လိုက်ချင်ကြတယ်။ သူတို့က “နတ်ဆိုးပူးတဲ့လူက ဒီလိုပြောပါ့မလား။ နတ်ဆိုးက မျက်မမြင်ကို မြင်အောင် လုပ်နိုင်လို့လား” လို့ ပြောကြတယ်။ (ယောဟန် ၁၀:၂၀၊ ၂၁) အစောပိုင်းတုန်းက မွေးရာပါမျက်မမြင်ကို ယေရှု ကုသပေးလိုက်တာကို ရည်ညွှန်းနေတာ။