Ke Jesus ama akanam idem ọsọn̄ ete oro ọkọdọn̄ọde mfụri, enye Jesus osụk odu ke ufọk Pharisee oro okokotde enye udia. Enye okụt nte mbon oro ẹkekotde udia ẹkade ẹketie ke ikpọ itie onyụn̄ ada emi nte ifet ndikpep mmọ n̄kpọ mban̄a nsụhọdeidem.

Jesus ọdọhọ ete: “Ke ini owo okotde fi usọrọ ndọ, kûsụhọde utie ke ata akamba itie. Mbak ndusụk enye ama okot owo emi okponde akan fi, ndien owo oro okokotde fi ye enye eyedi edidọhọ fi ete, ‘Yak owo enye emi etie mi.’ Ndien adan̄aoro afo ayadaha ye bụt eketie ke ata usụhọde itie.”—Luke 14:8, 9.

Ekem Jesus ọdọhọ ete: “Ke ini ẹkotde fi, ka ketie ke ata usụhọde itie, man ke ini owo emi okokotde fi edide enye ọkpọdọhọ fi ete, ‘Ufan, dọk di.’ Adan̄aoro afo eyenyene ukpono ke iso kpukpru isenowo emi ẹtiede ye afo.” Se Jesus etịn̄de mi akan owo ndinyụn̄ n̄kpono idem ke ini owo okotde enye ufọk. Jesus aka iso ọdọhọ ete: “Koro owo ekededi eke emenerede idemesie ke enyọn̄ ẹyesụhọde enye ẹnịm, ndien owo eke osụhọrede idemesie ẹyemenede enye.” (Luke 14:10, 11) Enye oyom mbon emi ẹdude do ẹkpep ndisụhọde idem.

Ekem Jesus ekpep Pharisee emi okokotde enye udia n̄kpọ. Enye etịn̄ nte ete oro ọkpọfọnde ido man Abasi ọdiọn̄ enye. “Ke ini afo anamde udia uwemeyo m̀mê udia mbubreyo, kûkot mme ufan fo m̀mê nditọete fo m̀mê iman fo m̀mê mme mbọhọidụn̄ emi ẹdide mme enyene-n̄kpọ owo. Mbak ndusụk mmọ ẹdikot fi n̄ko ndien emi ediwọrọ ke ẹnọ fi usiene. Edi ke ini afo anamde usọrọ, kot mme ubuene, mmọ eke ẹbiomode ndo ke ukot, mbụn̄ọ, nnan; ndien afo oyokop inemesịt, koro mmọ mînyeneke se ẹdidade ẹnọ fi ke usiene.”—Luke 14:12-14.

Mme owo ẹsima ndikot mme ufan, iman, ye mme mbọhọidụn̄ mmọ udia, Jesus inyụn̄ idọhọke ke enyene se idiọkde do. Edi ikọ esie ọwọrọ ke ẹyenen̄ede ẹdiọn̄ owo emi ọfọnde ido ye mbon emi ẹdude ke unana, utọ nte mme ubuene, mbụn̄ọ, m̀mê nnan. Jesus ọdọhọ ete emi okokotde enye ufọk do ete: “Ẹyenọ fi usiene ke ini ediset ndinen owo.” Ete kiet emi ẹketienede ẹkot udia oro onyụn̄ esịn ke uyo oro: “Owo emi atade uyo ke obio ubọn̄ Abasi, okop inemesịt.” (Luke 14:15) Enye ada emi nte ata akwa ifet. Edi ikọ en̄wen emi Jesus etịn̄de owụt ke idịghe kpukpru owo ẹda n̄kpọ emi ntem.

“Owo kiet akanam akamba udia mbubreyo, onyụn̄ okot ediwak owo. Ndien . . . enye ọdọn̄ ofụn esie ọkọdọhọ mmọ emi ẹkekotde ete, ‘Ẹdi, koro ẹma ẹnam n̄kpọ ẹma.’ Edi kpukpru mmọ ye esịt kiet ẹtọn̄ọ ndiyom ikọ ndibọrọ. Akpa owo ọdọhọ enye ete, ‘Mma ndep in̄wan̄ ndien nnyene ndika n̄kese; mbọk, ndikemeke ndidi.’ Owo efen onyụn̄ ọdọhọ ete, ‘Mmedep enan̄ duop ndien nyom ndika n̄kese nte mmọ ẹtiede; mbọk, ndikemeke ndidi.’ Owo efen nde ọdọhọ ete, ‘Ami ndisụk ndọ n̄wan edi oro ndien ke ntak emi n̄kemeke ndidi.’”—Luke 14:16-20.

Se mmọ ẹtịn̄de emi iwọrọke n̄kpọ ndomokiet! Owo esisese in̄wan̄ m̀mê ufene mbemiso edepde, idịghe n̄kpọ emi ẹdọhọde ke ana ẹfiak ẹkese ke ẹma ẹkekpe okụk ẹma. Idịghe nte ọyọhọ owo ita oro okoyom ndidọ n̄wan. Enye ama ọdọdọ n̄wan oro ama, ntem ndọ ikpetreke enye ndika utọ akpan ikot oro. Ke ini ete emi okopde se mmọ ẹtịn̄de emi, esịt ayat enye, enye onyụn̄ ọdọhọ ofụn esie oro ete:

“Wara wọrọ ka ikpọ efak ye n̄kpri efak obio, nyụn̄ kada mme ubuene ye mmọ eke ẹbiomode ndo ke ukot ye mbụn̄ọ dụk di.” Ke ofụn oro ama akanam ntre, ufan̄ ke osụk ososụhọ. Eteufọk esie ọdọhọ enye ete: “Wọrọ ka mme usụn̄ ye mme mben ọkọ, nyụn̄ kekpek mmọ ẹdụk ẹdi, man ufọk  mi ọyọhọ. Koro ndọhọ mbufo nte, Baba owo kiet ke otu mmọ emi ẹkekotde iditabike udia mbubreyo mi.”—Luke 14:21-24.

Se Jesus adade ọnọ uwụtn̄kpọ emi owụt nte Jehovah Abasi ye Jesus Christ ẹkotde mme owo man mmọ ẹkpedi ẹdidụk Obio Ubọn̄ heaven. Mme Jew, akpan akpan mme adaiso ido ukpono mmọ ke ẹkebem iso ẹkot. Ata ediwak mmọ ẹma ẹsịn ikot oro ke ini Jesus ọkọkwọrọde ikọ. Edi idịghe mmọ ikpọn̄ ke ẹkot. Se Jesus eketịn̄de owụt nte ke ini iso, ke ẹyekot mme Jew eken emi owo mîdaha ke n̄kpọ ẹnyụn̄ ẹkot mme okpono Abasi ke ido mme Jew. Ke oro ebede, ẹyenọ akpatre ikot emi edide ọyọhọ ikata, ndien ẹdikot mbon idụt emi mme Jew ẹkerede ke Abasi idaha-da nte n̄kpọ ndomokiet.—Utom 10:28-48.

Ke akpanikọ, se Jesus etịn̄de owụt ke se ete emi ẹketienede ẹkot udia ke ufọk Pharisee oro eketịn̄de edi akpanikọ: “Owo emi atade uyo ke obio ubọn̄ Abasi, okop inemesịt.”