CAPÍTULO 85
Uj runa pesachikojtin cielopi kusiy kan
-
CHINKASQA OVEJAMANTA, CHINKASQA QOLQEMANTAWAN
-
CIELOPI ÁNGELES KUSIKUNKU
Jesusqa runasman yachachishaspa ashkha kutispi kʼumuykukoj kanamanta parlarqa (Lucas 14:8-11). Jesusqa kʼumuykukoj runasta, tukuy sonqotaj Diosta sirviyta munajkunata maskʼarqa. Chay jina runasmanta wakintaqa, “juchasapa runas” nispa wakin nej kanku.
Fariseoswan leymanta yachachejkunawanqa, kʼumuykukoj sonqo runasta pisipaj qhawaj kanku. Chayrayku chay runas Jesuspa yachachisqanta japʼikusqankuta rikuspa thutorqanku. Paykuna Jesusmanta nerqanku: “Kay runaqa juchasapaswan allinta kausakun, paykunawantaj mikhun”, nispa (Lucas 15:2). Fariseoswan leymanta yachachejkunawanqa may kasqankuta yuyakoj kanku, waj runastataj qʼopata jinalla qhawaj kanku. Judiospa religionninkuta ñaupajman apajkunaqa, wajkunata millay runasta jina qhawaj kanku. Chayrayku hebreo parlaypi runastaqa “‛am haʼárets” nispa nej kanku.
Jesustajrí, tukuyta jatunpaj qhawaj, paykunawan kʼacha kaj, khuyakojtaj. Chayrayku ashkha wajcha runas, juchasapa runas ima, Jesuspa yachachisqanta japʼikuyta munarqanku. Wajkunarí mana allinpajchu qhawarqanku Jesuspa ruwasqanta. Chayta yachaspa imatachus Jesús ruwasqanta qhawarina.
Jesusqa mana fariseos jinachu kasqanta rikuchinanpaj uj kikinchayta paykunaman willarerqa. Chay kikinchayqa, aswan ñaupajta Capernaumpi uj kikinchayta willasqanman rijchʼakorqa (Mateo 18:12-14). Jesusqa chay kikinchayninpi fariseosta sumaj qhawasqa ovejaswan kikincharqa. Pisipaj qhawasqa runastataj chinkasqa ovejawan kikincharqa.
Jesús nerqa: “¿Manachu mayqenniykichejpis 100 ovejasniyoj kaspa, ujnin chinkajtin, 99 ovejasninta chʼinnejpi saqespa maskʼaj rin, chay chinkasqa ovejanta tarinankama? Tariytawantaj, qʼepiriykukun may kusisqa. Wasinman chayaspataj amigosninta, vecinosnintawan wajyaspa nin: ‘Noqawan khuska kusikuychej, tarikapuni chinkasqa ovejayta’, nispa” (Lucas 15:4-6).
¿Imatataj Jesús chaywan yachachisharqa? Pay nerqa: “Kayta niykichej: Ajinallataj cielopi aswan kusiy kanqa uj juchasapa runa juchasninmanta pesachikojtin, chay 99 cheqan runasmanta nisqaqa, pikunachus mana pesachikunankuchu tiyan, chaykunamanta”, nispa (Lucas 15:7).
Fariseosqa chayta uyarispa tʼukullachá kasharqanku. Paykunaqa cheqan runas Marcos 2:15-17). Fariseosqa mana reparakorqankuchu juchasninkumanta pesachikunanku kasqanta. Chayrayku mana ima kusiypis cielopi karqachu. Jinapis juchasapa runas tukuy sonqo pesachikojtinku, cielopi manchay kusiy kan.
kasqankuta, manataj imamantapis pesachikunankuchu kasqankuta yuyakoj kanku. Chayrayku paykunamanta wakenqa, aswan ñaupaj wataspi Jesuspaj rimarqanku juchasapaswan, impuesteroswan mikhusqanmanta. Jesustaj chay kutipi paykunata nerqa: “Mana cheqan runastachu wajyaj jamuni, manachayqa juchasapasta”, nispa (Jesusqa uj juchasapa pesachikojtin, cielopi kusiy kasqanta rikuchinanpaj waj kikinchaymanta parlarerqa. Chaytaj, mayqen wasillapipis pasanman. Pay nerqa: “Pi warmillapis chunka dracma qolqesniyoj kaspa, ujninta chinkachejtin, ¿manachu mecherota japʼichiytawan wasinta pichaspa allinta maskʼan tarinankama? Tarispataj, amigasninta, vecinasnintawan wajyaspa nin: ‘Noqawan khuska kusikuychej, tarikapuni chinkachisqay dracma qolqeyta’, nispa” (Lucas 15:8, 9).
Jesusqa chinkasqa ovejamanta, chinkasqa qolqemantawan kikinchayninwan pesachikunanku kasqanta yachacherqa. Pay nerqa: “Ajinata Diospa angelesninpis kusikunku, uj juchasapa runa pesachikojtin”, nispa (Lucas 15:10).
Diospa angelesnenqa mayta munanku juchallikojkuna pesachikunankuta. Chaytaj tʼukunapaj. Imajtinchus paykuna pesachikojtinku, paykunamanta wakenqa Diospa Gobiernonpi kamachimonqanku, angelesmanta aswan kurajtaj kanqanku (1 Corintios 6:2, 3). Jinapis angelesqa mana paykunamanta envidiakunkuchu. Chayrayku noqanchejpis, kusikunanchej tiyan uj juchasapa runa pesachikojtin, Diosmantaj kutinpojtin.