91-تاراۋ
ەلازار قايتا ٴتىرىلدى
-
ەلازاردىڭ قايتا ٴتىرىلۋى
-
جوعارعى سوت يسانى ولتىرمەك بولدى
يسا بەتانيانىڭ ماڭىندا مارتا مەن ٴماريامدى كەزدەستىرگەن سوڭ، ەلازاردىڭ قابىرىنە بەت الدى. قابىر ۇلكەن تاسپەن جابىلعان ۇڭگىر ەدى. يسا: «تاستى الىپ تاستاڭدار»،— دەپ نۇسقاۋ بەردى. ونىڭ نە ىستەگەلى جاتقانىن تۇسىنبەگەن مارتا: «يەم، يىستەنىپ كەتكەن شىعار، جاتقانىنا ٴتورت كۇن بولدى عوي»،— دەپ الاڭدادى. الايدا يسا وعان: «ەگەر سەنسەڭ، قۇدايدىڭ ۇلىلىعىن كورەسىڭ دەمەپ پە ەدىم؟»— دەدى (جوحان 11:39، 40).
تاس الىنعاندا، يسا كوككە قاراپ: «اكە، دۇعاما قۇلاق سالعانىڭا راحىمەت. دۇعامدى ىلعي ەستيتىنىڭدى بىلەمىن. ايتسە دە مۇنى اينالا قاۋمالاعان جۇرت مەنى جىبەرگەن ٶزىڭ ەكەنىڭە سەنسىن دەپ ايتىپ تۇرمىن»،— دەپ دۇعا ەتتى. داۋىستاپ دۇعا ەتۋىنىڭ جوحان 11:41—44).
ارقاسىندا جۇرت يسانىڭ كەرەمەت ٸسى قۇدايدىڭ قۇدىرەتىمەن جۇزەگە اساتىنىن ٴبىلدى. سوسىن ول قاتتى داۋىسپەن: «ەلازار، شىق!»— دەدى. سوندا اياق-قولى كەبىنگە ورالعان، بەت-اۋزى ورامالمەن بايلانعان ەلازار ۇڭگىردەن شىقتى. يسا قاسىنداعىلارعا: «كەبىنىن شەشىڭدەر، جۇرە بەرسىن!»— دەپ تاپسىردى (ٴماريام مەن مارتانى جۇباتۋعا كەلگەن ياھۋدي كىسىلەردىڭ كوبىسى كەرەمەتتى ٶز كوزدەرىمەن كورىپ، يساعا سەندى. ٴبىراق كەيبىرەۋلەرى سول جەردەن كەتىپ، پارىزشىلدارعا يسانىڭ نە ىستەگەنىن ايتىپ بەردى. پارىزشىلدار مەن جوعارعى ٴدىني قىزمەتكەرلەر ياھۋديلەردىڭ جوعارعى كەڭەسىن شاقىردى. ونىڭ ٴبىر مۇشەسى — باس ٴدىني قىزمەتكەر قاياپا بولاتىن. جوعارعى كەڭەس جينالعاندا، كەيبىرەۋلەر: «نە ىستەيمىز؟ بۇل ادام كوپتەگەن كەرەمەتتەر جاساۋدا. ونى وسىلاي قالدىرساق، ٴبارى وعان سەنەتىن بولادى. سوندا ريمدىكتەر كەلىپ، عيباداتحانامىز بەن حالقىمىزعا يەلىك ەتىپ جۇرەر»،— دەپ نالىدى (جوحان 11:47، 48). ولار يسانىڭ «كوپتەگەن كەرەمەتتەرىن» ٶز كوزىمەن كورگەندەردىڭ كۋالىگىن ەستىسە دە، قۇدايدىڭ سول ادام ارقىلى جاساعان ىسىنە قۋانبادى. مۇنىڭ باستى سەبەبى — ولار ٶز بەدەلى مەن دارەجەسىن ۋايىمدادى.
ەلازاردىڭ قايتا تىرىلگەنى ساددۋكەيلەرگە سوققى بولدى، ويتكەنى ولار قايتا تىرىلۋگە سەنبەيتىن. ساددۋكەي قاياپا بىلاي دەدى: «سەندەر تۇك بىلمەيسىڭدەر مە؟ بۇكىل حالقىمىزدىڭ قۇرىپ كەتكەنىنەن گورى، حالىق ٷشىن ٴبىر كىسىنىڭ ولگەنى وزدەرىڭە جاقسى ەكەنىن تۇسىنبەيسىڭدەر مە؟» (جوحان 11:49، 50؛ ەلشىلەردىڭ ىستەرى 5:17؛ 23:8).
قاياپانىڭ ٴدىني قىزمەتكەر ەكەنىن ەسكەرسەك، بۇل سوزدەردى ول ٶز ويىنان ايتقان جوق، قۇدايدىڭ ٶزى ايتقىزدى. قاياپانىڭ ويلاعانى ٴدىنباسىلارىنىڭ بەدەلى مەن ىقپالىن ساقتاپ قالۋ ٷشىن يسانى ٶلتىرۋ بولاتىن. الايدا ول ٶزى اڭداماي پايعامبارلىق سوزدەر ايتتى. بۇل پايعامبارلىق يسانىڭ ياھۋديلەر ٷشىن عانا ەمەس، «جان-جاققا تاراپ كەتكەن قۇدايدىڭ بالالارى» ٷشىن ٶمىرىن قۇربان ەتىپ، تولەم رەتىندە بەرەتىنىنە نۇسقادى (جوحان 11:51، 52).
قاياپانىڭ ىقپالىمەن جوعارعى كەڭەس يسانى ٶلتىرۋدى ويلاستىردى. ولاردىڭ جوسپارىن يساعا جوعارعى كەڭەستىڭ مۇشەسى نىكودەم جەتكىزگەن بولۋ كەرەك. قانداي بولعان كۇندە دە، قۇداي بەلگىلەگەن ۋاقىتتان بۇرىن ولمەس ٷشىن، يسا شۇعىل تۇردە يەرۋساليم ايماعىنان كەتىپ قالدى.