119-تاراۋ
يسا — جول، شىندىق، ٶمىر
-
يسا ورىن دايىنداۋعا كەتپەك
-
يسا كومەكشى بەرۋدى ۋادە ەتتى
-
اكەسىنىڭ دارەجەسى جوعارى
يسا ٵلى دە ەلشىلەرىمەن جوعارعى بولمەدە وتىر. مەيرامنىڭ اسىن جەپ بولعان سوڭ، ەلشىلەرىن جىگەرلەندىرىپ: «ابىرجىماڭدار. قۇدايعا سەنىڭدەر، ماعان دا سەنىڭدەر»،— دەدى (جوحان 13:36؛ 14:1).
يسا ٶزىنىڭ كەتەتىنىنە ادال ەلشىلەرى نەگە ابىرجىماۋ كەرەكتىگىن ٴتۇسىندىرىپ، بىلاي دەدى: «اكەمنىڭ ۇيىندە ورىن كوپ... مەن سەندەرگە ورىن دايىنداۋعا بارا جاتىرمىن. بارىپ، ورىن دايىنداعان سوڭ، قايتىپ كەلىپ، ٶزىم بولاتىن جەردە بولۋلارىڭ ٷشىن، سەندەردى ۇيگە الىپ كەتەمىن». الايدا يسا كوككە كەتۋ جايلى ايتىپ تۇرعانىن ەلشىلەر ٴبارىبىر ۇقپادى. سوندىقتان توما: «يەم، قايدا بارا جاتقانىڭدى بىلمەسەك، جولدى قالاي بىلەمىز؟»— دەپ سۇرادى (جوحان 14:2—5).
سوندا يسا: «جول، شىندىق جانە ٶمىر — مەنمىن»،— دەپ جاۋاپ بەردى. كوكتەگى اكەسىنىڭ ۇيىنە يسانى جانە ونىڭ ٴتالىمىن قابىل الىپ، ۇلگى-ونەگەسىنە ەلىكتەگەن ادام عانا كىرە الادى. سوندىقتان ول: «مەن ارقىلى بولماسا، ەشكىم دە اكەگە كەلە المايدى»،— دەدى (جوحان 14:6).
يسانى مۇقيات تىڭداپ وتىرعان ٴفىلىپ: «يەم، اكەنى كورسەتشى، بىزگە سول دا جەتكىلىكتى»،— دەپ ٶتىندى. ول ەرتەدەگى مۇسا، ٸلياس پەن يشايا سياقتى پايعامبارلاردىڭ اياندا كورگەن قۇدايدىڭ سالتاناتىن كورگىسى كەلسە كەرەك. ٴبىراق ەلشىلەرگە مۇنداي كورىنىستەن دە زور مارتەبە بەرىلگەن ەدى. وسىعان كوڭىل اۋدارىپ، يسا: «ٴفىلىپ، مەن وسىنشا ۋاقىت سەندەرمەن بىرگەمىن، سوندا دا مەنى بىلمەدىڭ بە؟ مەنى كورگەن ادامنىڭ اكەنى دە كورگەنى»،— دەدى. يسا اكەسىنىڭ قاسيەتتەرىن اينا قاتەسىز تانىتتى. سوندىقتان ونىڭ قاسىندا ٴجۇرىپ، ٸس-ارەكەتىن باقىلاعان ادام كوكتەگى اكەسىن دە كوردى دەۋگە بولادى. ارينە، اكەسىنىڭ دارەجەسى ۇلىنىكىنەن الدەقايدا جوعارى. وسىعان نۇسقاپ يسا: «سەندەرگە ٶز ويىمدى ايتىپ جۇرگەن جوقپىن»،— دەدى (جوحان 14:8—10). تالىمدەرى ٷشىن بار ماداقتى يسا اكەسىنە جولدايتىنىنا ەلشىلەر كۋا بولعان.
يسا ەلشىلەرىنىڭ كوز الدىندا تالاي كەرەمەت جاسادى جانە قۇداي پاتشالىعى جايلى ىزگى حاباردى جاريالادى. ال ەندى ولارعا: «ماعان سەنگەن ادام مەن جاساعان جوحان 14:12). مۇنىمەن يسا ەلشىلەرى وزىنىكىنەن دە زور كەرەمەتتەر جاسايدى دەپ تۇرعان جوق. ولاردىڭ قىزمەتى الدەقايدا ۇزاق، ارالايتىن ايماقتارى الدەقايدا كەڭ جانە ۋاعىزدايتىن ادامدارى الدەقايدا كوپ بولاتىنىن ايتىپ تۇر.
ىستەردى دە جاسايدى، ٴتىپتى ودان دا زور ىستەر جاسايدى»،— دەدى (يسا كوككە كەتسە دە، شاكىرتتەرىمەن بايلانىسىن ۇزبەيدى. ويتكەنى ول: «مەنىڭ اتىمنان نە سۇراساڭدار دا، ورىندايمىن»،— دەپ ۋادە ەتتى. بۇعان قوسا ول شاكىرتتەرىنە: «مەن اكەمنەن وتىنەمىن، سوندا ول سەندەرگە وزدەرىڭمەن ماڭگى بىرگە بولاتىن باسقا كومەكشىنى بەرەدى. ول — شىندىقتى اشاتىن كيەلى رۋح»،— دەدى (جوحان 14:14، 16، 17). بۇل ۋادە ەلۋىنشى كۇن مەيرامىندا ورىندالىپ، ولار كومەكشى بولاتىن كيەلى رۋحتى الدى.
«ەندى از ۋاقىتتان كەيىن وسى دۇنيە مەنى كورمەيدى، ٴبىراق سەندەر كورەسىڭدەر، ويتكەنى مەن ٶمىر سۇرە بەرەتىندىكتەن، سەندەر دە ٶمىر سۇرەسىڭدەر»،— دەدى يسا (جوحان 14:19). يسا قايتا تىرىلگەن سوڭ، شاكىرتتەرىنە تاندىك دەنەدە كورىنەدى. ال ۋاقىت وتە كەلە قاسىندا بولۋلارى ٷشىن ولاردى رۋحاني جاراتىلىستار رەتىندە كوككە قايتا تىرىلتەدى.
سوسىن يسا: «كىم مەنىڭ وسيەتتەرىمدى قابىلداپ، ورىنداسا، سونىڭ مەنى سۇيگەنى. ال مەنى سۇيگەندى اكەم سۇيەدى. ونى مەن دە ٴسۇيىپ، ٶزىمدى وعان تانىتامىن»،— دەپ قاراپايىم شىندىقتى ايتتى. سوندا تادەي دەپ تە اتالاتىن ياھۋدا: «يەم، نەگە ٶزىڭىزدى وسى دۇنيەگە ەمەس، بىزگە تانىتپاقسىز؟»— دەپ سۇرادى. يسا وعان: «كىم مەنى سۇيسە، مەنىڭ ٴسوزىمدى ورىندايدى جانە اكەم ونى سۇيەدى... ال مەنى سۇيمەيتىن ادام سوزدەرىمدى ورىندامايدى»،— دەپ جاۋاپ بەردى (جوحان 14:21—24). بۇل دۇنيەنىڭ ادامدارى يسانىڭ ٸزباسارلارى سياقتى ەمەس: ولار يسانى جول، شىندىق جانە ٶمىر رەتىندە مويىنداعىسى كەلمەيدى.
يسا جاقىندا كەتەدى، سوندا شاكىرتتەر ونىڭ ايتقاندارىن قالاي ەسكە تۇسىرمەك؟ «اكەم مەنىڭ اتىمنان جىبەرەتىن كومەكشى، كيەلى رۋح، سەندەرگە ٴبارىن ۇيرەتەدى جانە ايتقاندارىمنىڭ ٴبارىن ەستەرىڭە تۇسىرەدى»،— دەپ ٴتۇسىندىردى يسا. ەلشىلەر كيەلى رۋحتىڭ قۇدىرەتىن تالاي رەت كورگەن، سوندىقتان بۇل سوزدەر ولاردىڭ كوڭىلدەرىن تىنىشتاندىردى. سوسىن يسا: «مەن وزدەرىڭە بەرگەن تىنىشتىقتى ارالارىڭدا قالدىرامىن... سوندىقتان ابىرجىپ، بويلارىڭدى ۇرەي بيلەمەسىن»،— دەدى (جوحان 14:26، 27). شاكىرتتەردىڭ ابىرجۋىنا ەش سەبەپ جوق، ويتكەنى يسانىڭ اكەسى ولارعا باسشىلىق پەن قورعانىش بەرەدى.
قۇدايدىڭ قورعانىش بەرەتىنى كوپ ۇزاماي دالەلدەنبەك. «وسى دۇنيەنىڭ بيلەۋشىسى كەلە جاتىر. الايدا ماعان ونىڭ بيلىگى جۇرمەيدى»،— دەدى يسا (جوحان 14:30). ٸبىلىس ياھۋدانىڭ بويىن بيلەپ، ونى ٶز ىرقىنا كوندىردى. ٴبىراق ول يسانى قۇدايعا قارسى قويا المايدى. سەبەبى يسانىڭ بويىندا شايتان قولدانىپ قالاتىنداي ەشبىر ٴمىن نە السىزدىك جوق. ٴتىپتى شايتان يسانى ٴبىرجولاتا ولتىرە دە المايدى. نەگە؟ يسا «اكەسى نەنى وسيەت ەتسە، سونى ورىنداعان». سول ٷشىن اكەسى ونى مىندەتتى تۇردە قايتا تىرىلتەدى (جوحان 14:31).