138-تاراۋ
ٴماسىح قۇدايدىڭ وڭ جاعىندا
-
يسا قۇدايدىڭ وڭ جاعىندا وتىردى
-
ساۋل يسانىڭ شاكىرتى بولدى
-
بىزدە قۋانۋعا سەبەپ بار
يسانىڭ كوككە كوتەرىلگەنىنە ون كۇن بولعاندا، ەلۋىنشى كۇن مەيرامى وتكەن ەدى. سول كۇنى شاكىرتتەرگە كيەلى رۋح قونىپ، يسا ٶزىنىڭ كوكتە ەكەنىن دالەلدەدى. بۇل شىندىق تاعى ٴبىر جاعدايدا دالەلدەندى. ادال كۋاگەر ستەپاندى تاسپەن ۇرىپ ولتىرەردىڭ الدىندا، ول: «مىنە، مەن كوكتىڭ اشىلعانىن جانە قۇدايدىڭ وڭ جاعىندا تۇرعان ادام ۇلىن كورىپ تۇرمىن!»— دەپ جار سالدى (ەلشىلەردىڭ ىستەرى 7:56).
قۇداي سوزىندە الدىن الا ايتىلعانداي، يسا كوكتە اكەسىنىڭ جانىندا ەرەكشە بۇيرىقتى كۇتىپ وتىرۋى كەرەك. بۇل جايىندا ٴداۋىت پايعامبار: «جاۋلارىڭدى اياعىڭنىڭ استىنا سالىپ بەرگەنىمشە، وڭ جاعىمدا وتىر»،— دەپ جازعان بولاتىن. كۇتىپ وتىراتىن ۋاقىت بىتكەندە، يسا «جاۋلارىنىڭ اراسىندا بيلىك ەتۋى»، ياعني جاۋلارىنا قارسى ارەكەت ەتۋى كەرەك (ٴزابۇر 110:1، 2). سول كەزگە دەيىن يسا نەمەن اينالىسۋ كەرەك؟
ب.ز. 33-جىلىنىڭ ەلۋىنشى كۇن مەيرامىندا ماسىحشىلەر قاۋىمى پايدا بولىپ، يسا كيەلى رۋحپەن مايلانعان شاكىرتتەرىنە كوكتەن بيلىك ەتە باستادى (قولوستىقتارعا 1:13). ولارعا ۋاعىزداۋ ىسىندە باسشىلىق بەرىپ، بولاشاق قىزمەتتەرىنە دايىندادى. بۇل قانداي قىزمەت؟ ادالدىق ساقتاپ قايتىس بولعان شاكىرتتەر قايتا ٴتىرىلىپ، كوكتەگى پاتشالىقتا يسامەن بىرگە بيلىك ەتەتىن بولادى.
بولاشاق پاتشالاردىڭ ٴبىرى ساۋل ەدى. كەيىن ول پاۋىل دەگەن ريمدىك ەسىمىمەن كوبىرەك تانىمال بولدى. ساۋل مۇسا زاڭىن قىزعىشتاي قورعادى، ٴبىراق ياھۋدي ٴدىنباسىلارىنا الدانىپ قالعان بولاتىن. سوندىقتان ستەپاندى تاسپەن ۇرىپ ولتىرگەندەردى قوشتادى. كەيىن دە ساۋل «يەمىزدىڭ شاكىرتتەرىنە قوقان-لوقى كورسەتىپ ٴجۇردى جانە ولاردىڭ كوزىن قۇرتقىسى» كەلدى. بىردە ول باس ٴدىني قىزمەتكەر قاياپادان قولحات الىپ، داماسكىگە بەت الدى. سونداعى ماقساتى — يسانىڭ ٸزباسارلارىن تۇتقىنداپ، يەرۋساليمگە اكەلۋ (ەلشىلەردىڭ ىستەرى 7:58؛ 9:1). الايدا جولدا كوكتەن ساۋلە ٴتۇسىپ، اينالاسىن جارقىراتىپ جىبەردى. ۇرەيى ۇشقان ساۋل جەرگە قۇلاپ ٴتۇستى.
سول ساتتە: «ساۋل، ساۋل، مەنى نەگە قۋدالاپ ٴجۇرسىڭ؟»— دەگەن داۋىس ەستىلدى. «ٴسىز ەلشىلەردىڭ ىستەرى 9:4، 5).
كىمسىز؟» — دەپ سۇراعاندا، داۋىس: «مەن ٶزىڭ قۋدالاپ جۇرگەن يسامىن»،— دەپ جاۋاپ بەردى (سوسىن يسا ساۋلعا داماسكىگە بارىپ، نۇسقاۋ بەرىلگەنشە، سول جەردە قالۋدى بۇيىردى. كەرەمەت تۇردە پايدا بولعان جارىقتان كوزى كورمەي قالعان سوڭ، ساۋلدى قاسىنداعىلار قالاعا ەرتىپ اپاردى. كەيىن يسا داماسكىدە تۇراتىن شاكىرتى انانيگە دە كورىندى. وعان ٴبىر مەكەن جايدى ايتىپ، ساۋل دەگەن كىسىنى تاۋىپ الۋدى بۇيىردى. الايدا اناني ول ادامنان قاۋىپتەنەتىنىن ايتقاندا، يسا: «مەن ونى ٶز اتىمدى باسقا حالىقتارعا، پاتشالارعا جانە يسرايل ۇلدارىنا جاريالاۋ ٷشىن تاڭداپ الدىم»، — دەپ، ونىڭ كوڭىلىن ورنىقتىردى. اقىر سوڭىندا، ساۋلدىڭ كوزى قايتادان اشىلىپ، ول داماسكىدە «يسانىڭ قۇداي ۇلى ەكەنىن ۋاعىزداي باستادى» (ەلشىلەردىڭ ىستەرى 9:15، 20).
يسانىڭ قولداۋىمەن پاۋىل مەن باسقا شاكىرتتەر ۋاعىزداۋ تاپسىرماسىن اتقارۋمەن بولدى. قۇدايدىڭ باتاسىمەن بۇل ىستە ولار كەرەمەت جەتىستىكتەرگە جەتتى. داماسكىدەگى جولدا بولعان وقيعادان كەيىن 25 جىل وتكەندە، پاۋىل ىزگى حاباردىڭ «بارلىق جەردە ۋاعىزدالعانىن» مالىمدەدى (قولوستىقتارعا 1:23).
ونشاقتى جىلدان كەيىن يسا ٶزىنىڭ سۇيىكتى ەلشىسى جوحانعا بىرنەشە ايان بەردى. بۇلار كيەلى جازبالاردىڭ ايان كىتابىندا جازىلعان. جوحان يسانىڭ پاتشالىق بيلىكپەن كەلگەنىن كوردى، بىلايشا ايتقاندا، ونىڭ كەلگەن ۋاقىتىنا دەيىن ٶمىر ٴسۇردى (جوحان 21:22). جوحان «كيەلى رۋحتىڭ اسەرىمەن يەمىزدىڭ كۇنىنە اپارىلدى» (ايان 1:10). سوندا يەمىزدىڭ كۇنى قاشان كەلمەك ەدى؟
كيەلى كىتاپ پايعامبارلىقتارىن مۇقيات زەرتتەۋدىڭ ناتيجەسىندە «يەمىزدىڭ كۇنى» ٴبىزدىڭ زامانىمىزدا كەلگەنى انىقتالدى. 1914-جىلى ٴبىرىنشى دۇنيە جۇزىلىك سوعىس باستالدى. سول كەزدەن باستاپ سوعىستار، ىندەتتەر، اشارشىلىق، جەر سىلكىنىستەرى مەن باسقا دا قايعىلى جايتتار دۇنيە جۇزىن قامتىدى. بۇل جايتتار يسانىڭ ەلشىلەرىنە ايتقان «وسىندا بولۋى» مەن «زاماننىڭ اياقتالىپ تاياپ قالعانىن» بىلدىرەتىن «بەلگىنىڭ» ۇلكەن كولەمدەگى ورىندالۋى ەدى (ماتاي 24:3، 7، 8، 14). بۇگىندە پاتشالىق تۋرالى ىزگى حاباردى ۋاعىزداۋ ٸسى تەك ريم يمپەرياسىنىڭ اۋماعىندا عانا ەمەس، بۇكىل دۇنيە جۇزىندە اتقارىلىپ جاتىر.
جوحان كيەلى رۋحتىڭ جەتەلەۋىمەن بۇل جايتتاردىڭ ٴمانىن ٴتۇسىندىرىپ: «مىنە، قۇدايىمىز ادامداردى قۇتقاردى جانە ونىڭ كۇشى پاش ەتىلدى، پاتشالىعى ورناپ، ٴماسىحتىڭ بيلىگى باستالدى!»— دەدى (ايان 12:10). شىنىندا دا، يسا كەڭىنەن ۋاعىزداعان قۇداي پاتشالىعى بۇگىندە بيلىگىن جۇرگىزۋدە!
يسانىڭ ادال شاكىرتتەرىنىڭ ٴبارى ٷشىن بۇل — كەرەمەت حابار. ولار جوحاننىڭ كەلەسى سوزدەرىنە زور ٴمان بەرەدى: «كوك جانە ونى مەكەندەيتىندەر، قۋانىڭدار! ال جەر مەن تەڭىزدەگىلەرگە قاسىرەت، ويتكەنى ٸبىلىس سەندەرگە ٴتۇستى. ول ٶز ۋاقىتىنىڭ از قالعانىن بىلگەندىكتەن قاتتى اشۋلى» (ايان 12:12).
ولاي بولسا، قازىر يسا اكەسىنىڭ وڭ جاعىندا كۇتىپ وتىرعان جوق. ول پاتشا رەتىندە بيلىك ەتۋدە جانە جاقىندا جاۋلارىنىڭ كوزىن قۇرتادى (ەۆرەيلەرگە 10:12، 13). الدا ٴبىزدى تاعى قانداي وقيعالار كۇتىپ تۇر ەكەن؟